27.03.2026 | 23:30
Պորտուգալիայում քահանաների կողմից սեռական բռնության զոհերին ավելի քան 1,6 միլիոն եվրո փոխհատուցում է հատկացվել
Ռուսաստանը նախազգուշացրել է Ֆինլանդիային և Շվեդիային ՆԱՏՕ-ին անդամակցելու հետևանքների մասին․ Զախարովա
Քաղաքականություն
20.04.2022 | 13:40
Ռուսաստանը Շվեդիային և Ֆինլանդիային նախազգուշացումներ է արել ՆԱՏՕ-ին հնարավոր անդամակցության հետևանքների մասին։ Այս մասին հայտարարել է ՌԴ ԱԳՆ պաշտոնական ներկայացուցիչ Մարիա Զախարովան «Ռոսիա 24»-ին տված հարցազրույցում, գրում է ՏԱՍՍ-ը։
«Բրյուսելը ԱՄՆ-ի հովանու ներքո Շվեդիային և Ֆինլանդիային վաղուց ներքաշել է իր կառույցները, անցկացվել են տարբեր հիբրիդային միջոցներ՝ զորավարժությունների կամ մարզանքների անվան տակ։ Մենք մեր նախազգուշացումներն արել ենք և՛ հրապարակային, և՛ երկկողմ ճանապարհով։ Այդ մասին նրանք գիտեն, ուստի զարմանալի բան չկա, նրանք տեղեկացված են, թե ինչի դա կհանգեցնի»,-ասել է Զախարովան։
Հավելենք, որ ուկրաինական պատերազմի ֆոնին ակտիվացել են Շվեդիայի և Ֆինլանդիայի՝ ՆԱՏՕ-ին անդամակցելու մասին լուրերը։ Վերջերս էլ միջազգային մամուլում տեղեկություններ տարածվեցին, որ Հելսինկին և Ստոկհոլմը պատրաստվում են արդեն այս ամռանն անդամակցության հայտ ներկայացնել։
Էմմա Չոբանյան
