16.09.2026 | 23:17
Գեղարքունիքի մարզի մի շարք հասցեներում 24 ժամ ջուր չի լինի
Նորվեգիան Ուկրաինային «Միստրալ» զենիթային համակարգեր է փոխանցել
Քաղաքականություն
20.04.2022 | 14:00
Նորվեգիայի կառավարությունը որոշում է կայացրել Ուկրաինային փոխանցել շուրջ 100 «Միստրալ» զենիթահրթիռային համակարգեր: VOA-ի փոխանցմամբ՝ այս մասին հայտնել են Նորվեգիայի Պաշտպանության նախարարությունից։
«Կառավարությունը որոշել է «Միստրալ» հակաօդային պաշտպանության համակարգեր փոխանցել Ուկրաինային»,- ասվում է նախարարության կայքում տեղադրված հաղորդագրության մեջ։
Նշվում է, որ սպառազինությունը փոխանցվել է անվճար։ Նախարարության մամուլի հաղորդագրության մեջ ասվում է, որ Ուկրաինան «կախված է միջազգային աջակցությունից՝ ռուսական ագրեսիային հակազդելու համար»։
Պաշտպանության նախարար Բյորն Արիլդ Գրամը հայտարարել է, որ «Միստրալ» հակաօդային պաշտպանության համակարգն արդյունավետ զենք է, որը «մեծ օգուտներ կբերի Ուկրաինային»։
«ՀՕՊ համակարգը չի օգտագործվի Նորվեգիայի զինված ուժերի կողմից, բայց այն դեռևս ժամանակակից և արդյունավետ զենք է»,- հավելել է նա։
Տաթև Ֆռանգյան
