16.09.2026 | 23:17
Գեղարքունիքի մարզի մի շարք հասցեներում 24 ժամ ջուր չի լինի
Շառլ Միշելը ժամանել է Կիև
Քաղաքականություն
20.04.2022 | 13:02
Եվրոպական խորհրդի ղեկավար Շառլ Միշելը ժամանել է Ուկրաինայի մայրաքաղաք Կիև։ Այս մասին նա հայտնել է Twitter-ում։
«Այսօր՝ Կիևում։ Ազատ և ժողովրդավարական Եվրոպայի սրտում»,- գրել է նա։
In Kyiv today.
In the heart of a free and democratic Europe. @ZelenskyyUa pic.twitter.com/7DxTeoxtMc
— Charles Michel (@eucopresident) April 20, 2022
Հիշեցնենք՝ Ուկրաինայում ռազմական գործողությունների մեկնարկից հետո Մեծ Բրիտանիայի վարչապետ Բորիս Ջոնսոնն անցած շաբաթավերջին այցելել էր Կիև։ Նա խոստացել էր Ուկրաինային զրահատեխնիկա և հականավային հրթիռներ տրամադրել պաշտպանության համար, ինչպես նաև հայտարարել Ուկրաինայի հետ առևտուրն ազատականացնելու պատրաստակամության մասին։
Գնացքով Կիև էր այցելել նաև Եվրահանձնաժողովի ղեկավար Ուրսուլա ֆոն դեր Լյայենը։ Պատվիրակության կազմում են եղել Եվրամիության դիվանագիտության ղեկավար Ժոզեպ Բորելը, Սլովակիայի վարչապետ Էդուարդ Հեգերը և Եվրախորհրդարանի մի շարք պատգամավորներ։ Մարտի կեսերին գնացքով Կիև էին մեկնել նաև Լեհաստանի նախագահը, Սլովենիայի և Չեխիայի վարչապետները, ինչպես նաև Լիտվայի, Լատվիայի և Էստոնիայի նախագահները։
Տաթև Ֆռանգյան
