10.10.2026 | 12:14
Երևանի Կենտրոնում ազոտի երկօքսիդի պարունակությունը 4 օր գերազանցել է թույլատրելի սահմանը
Տոյվո Կլաարը Բաքվում հանդիպել է Իլհամ Ալիևին
Քաղաքականություն
19.04.2022 | 18:08
Ադրբեջանի նախագահ Իլհամ Ալիևն այսօր ընդունել է ԵՄ Հարավային Կովկասի ու Վրաստանի ճգնաժամի հարցերով հատուկ ներկայացուցիչ Տոյվո Կլաարին։ Վերջինս հանդիպումը բնորոշել է որպես «սուբստանտիվ» (առարկայական)։
«Այսօր առավոտյան սուբստանտիվ հանդիպում ունեցա նախագահ Իլհամ Ալիևի հետ՝ քննարկելու զարգացումները Բրյուսելում առաջնորդների հանդիպումից հետո»,-գրել է Կլաարը թվիթերյան իր էջում։
Ադրբեջանական լրատվամիջոցների հաղորդմամբ հանդիպմանը Կլաարը, մասնավորապես, նշել է, որ Եվրոպական խորհրդի նախագահ Շառլ Միշելը հավատարիմ է Ադրբեջանի և Հայաստանի միջև հարաբերությունների կարգավորմանը նպաստելու և աջակցելու գործընթացին։
«Նրա կարծիքը, մեր կարծիքը նրանումն է, որ Բրյուսելում հանդիպումը շատ հաջողված էր։ Մենք պետք է աշխատենք ապահովելու համաձայնեցված հարցերի իրականացումը և այդ աշխատանքի շարունակությունը։ Դրանումն է իմ այցի նպատակը։ Հիմա ես այստեղ եմ, որ լսեմ, որտեղ եք տեսնում ձեր հետագա քայլերը և իմանալ, թե մենք, որպես ԵՄ, ինչ կարող ենք անել կարգավորման գործընթացի աջակցման, համապարփակ կարգավորման աշխատանքի ուղղությամբ»,-ասել է Կլաարը։ Նա նաև հայտնել է, որ շաբաթվա երկրորդ կեսին այցելելու է Երևան։
Էմմա Չոբանյան
