20.08.2026 | 23:01
«Նոան» նոր գլխավոր մարզիչ ունի
ԵՄ-ն Ուկրաինայից սպասում է հարցաշարի երկրորդ մասին
Քաղաքականություն
19.04.2022 | 20:10
Եվրահանձնաժողովը սպասում է Եվրամիության անդամի թեկնածուի կարգավիճակ ստանալու հարցաշարի երկրորդ մասի վերաբերյալ Ուկրաինայի պատասխաններին։ Այս մասին հայտարարել է ԵՀ գլխավոր ներկայացուցիչ Էրիկ Մամերը, գրում է Korrespondent-ը։
«Նախագահ Զելենսկին, Ուկրաինայի իշխանությունները հանձնել են հարցաթերթի առաջին մասի պատասխանները: Մենք սպասում ենք հարցաշարի երկրորդ մասի վերաբերյալ նրանց պատասխանին: Դրանից հետո մենք ջանասիրաբար կաշխատենք մեր եզրակացությունը կազմելու համար: Մենք չենք խոսի կոնկրետ ժամկետների մասին։ Մենք դա կանենք այնքան ջանասիրաբար ու արագ, որքան հնարավոր է»,- ասել է նա։
Հիշեցնենք, որ ապրիլի 8-ին Եվրահանձնաժողովի նախագահը Ուկրաինա կատարած այցի ժամանակ երկրի իշխանություններին է հանձնել Եվրամիությանն անդամակցության հարցաթերթիկը։ Զելենսկին ասել է, որ Կիևը կլրացնի նշված հարցաշարը մեկ շաբաթվա ընթացքում։
Իր հերթին, ԵՀ ղեկավարը խոստացել է, որ Ուկրաինայից հարցաշարի քննարկումը կտևի ոչ թե տարիներ, ինչպես սովորաբար, այլ մի քանի շաբաթ։
Նախօրեին Ուկրաինան ներկայացրել էր հարցաշարի առաջին մասի պատասխանները։
Նախարարների կաբինետն ակնկալում է, որ Ուկրաինան ԵՄ անդամակցության թեկնածուի կարգավիճակ կստանա մինչև 2022 թվականի հուլիսը։
Տաթև Ֆռանգյան
