28.04.2024 | 21:19
Արագած գյուղ տներից մեկում հրդեհ է բռնկվել
Լավրովը հայտարարել է Ուկրաինայում ռազմական գործողությունների հաջորդ փուլի մեկնարկի մասին
Քաղաքականություն
19.04.2022 | 14:50
Ուկրաինայում սկսվում է ռազմական գործողությունների հաջորդ փուլը, որն «ուղղված է Դոնեցկի ու Լուգանսկի հանրապետությունների տարածքների ամբողջական ազատագրմանը»։ Այս մասին հայտարարել է ՌԴ ԱԳ նախարար Սերգեյ Լավրովը India Today հեռուստաալիքին տված հարցազրույցում, գրում է ՏԱՍՍ-ը։
«Արևելյան Ուկրաինայում գործողությունն ուղղված է, ինչպես հայտարարվել է հենց սկզբից, Դոնեցկի ու Լուգանսկի հանրապետությունների ամբողջական ազատագրմանը։ Այդ գործողությունը շարունակվելու է, այդ գործողության հաջորդ փուլն է սկսվում , և ինձ թվում՝ հիմա կարևոր պահ է»,-ասել է Լավրովը։
«Մոսկվա» հածանավի խորտակման մասին հարցին էլ ի պատասխան՝ Լավրովն ասել է․
«Դա պաշտպանության նախարարության գործն է։ Նրանք բացատրել են, ինչ է տեղի ունեցել։ Դրան ես ոչինչ չեմ կարող ավելացնել»,-ասել է ՌԴ ԱԳ նախարարը։
Հավելենք, որ Ուկրաինայի նախագահ Վլադիմիր Զելենսկին էլ իր երեկոյան ելույթում հայտարարել էր, որ Դոնբասի համար մարտերը, որոնց Ռուսաստանը նախապատրաստվում էր երկար ժամանակ, սկսվել են։
«Ռուսական զորքերի զգալի մասը կենտրոնացված է այնտեղ հարձակման համար: Անկախ այն բանից, թե քանի զինվոր կուղարկվի այնտեղ, մենք կպաշտպանվենք: Մենք կկռվենք: Մենք չենք հրաժարվի ուկրաինական ոչ մի բանից», – ասել էր Զելենսկին:
Էմմա Չոբանյան
