23.11.2024 | 20:00
Չի ներկայացվել գույքի և ունեցվածքի 509 հայտարարագիր՝ 4 տարում․ ի՞նչ է սպասվում օրինախախտներին. ՔՆՆԱՐԿՈՒՄ
Ֆրանսիան փորձում է համոզել ԵՄ-ին դադարեցնել ռուսական նավթի ներկրումը
Քաղաքականություն
19.04.2022 | 15:02
Ֆրանսիան փորձում է Եվրամիությանը համոզել՝ էմբարգո սահմանելու ռուսական նավթի մատակարարումների վրա։ Այս մասին երեքշաբթի օրը՝ ապրիլի 19-ին, Europe 1 ռադիոկայանի եթերում հայտարարել է երկրի էկոնոմիկայի և ֆինանսների նախարար Բրունո Լը Մերը, գրում է Korrespondent-ը։
«Պետք է արգելել ռուսական նավթի ներկրումը, սրան ենք պատրաստվում, չեմ թաքցնում, Հանրապետության նախագահը հստակ հասկացնել է տվել, որ մենք փորձում ենք համոզել մեր եվրոպացի գործընկերներին դադարեցնել ռուսական նավթի ներկրումը»,- ասել է նա։
Լը Մերը նշել է, որ ԵՄ երկրները պետք է «դադարեցնեն ֆինանսավորել» Ուկրաինայում ռուսական ռազմական ագրեսիան, որը նրանք տրամադրում են «արտարժույթով՝ գնելով ռուսական նավթ»։
Նախօրեին էլ նախագահ Էմանուել Մակրոնն ասել էր, որ Ֆրանսիան ռուսական գազի կարիք չունի և մտադիր է խթանել պատժամիջոցները։
Սպասվում է, որ Եվրամիությունը ապրիլի 24-ից հետո կվերադառնա Ռուսաստանի դեմ նավթային էմբարգոյի հարցին։
