24.11.2024 | 11:12
Ռուբլու փոխարժեքը շարունակում է իջնել
Ծանրորդ Սիմոն Մարտիրոսյանը Տոկիոյում դարձել է աշխարհի երիտասարդական առաջնության չեմպիոն
23.06.2017 | 13:26
Օլիմպիական խաղերի արծաթե մեդալակիր ծանրորդ Սիմոն Մարտիրոսյանը դարձել է աշխարհի երիտասարդական առաջնության չեմպիոն։
+105 կգ քաշային կարգում Մարտիրոսյանը երկամարտում գրանցել է 426 կգ արդյունք։
ՀԱՕԿ-ի հաղորդմամբ, հայ ծանրորդը երկու վարժությունում էլ ուժեղագույնն էր։
Պոկումում նա բարձրացրել է 191 կգ, իսկ հրումում՝ 235 կգ։ Հրում վարժությունում Սիմոն Մարտիրոսյանը վերջին մոտեցումով ռեկորդի էր հավակնում, սակայն նրան մի փոքր չի բավականացրել 246 կգ-ը գլխավերևում պահելու համար։
Այսպիսով, Տոկիոյում ավարտվել է աշխարհի երիտասարդական առաջնությունը։ Հայ ծանրորդները նվաճել են մեկ ոսկե և երկու բրոնզե մեդալներ։ Երրորդ մրցանակակիր էին դարձել Սոնա Պողոսյանը (70 կգ) և Սամվել Գասպարյանը (105 կգ)։
