20.08.2026 | 23:01
«Նոան» նոր գլխավոր մարզիչ ունի
Ուկրաինան ակնկալում է հունիսին ԵՄ անդամի թեկնածուի կարգավիճակ ստանալ․ Երմակ
Քաղաքականություն
18.04.2022 | 21:13
Ուկրաինան ակնկալում է ԵՄ անդամակցության թեկնածուի կարգավիճակ ստանալ այս տարվա հունիսին՝ Եվրոպական խորհրդի նիստից հետո։ Այս մասին հայտնել է Ուկրաինայի նախագահի աշխատակազմի ղեկավար Անդրեյ Երմակը, գրում է «Ինտերֆաքս Ուկրաինա»-ն։
«Մենք ակնկալում ենք ստանալ ԵՄ անդամ երկրի թեկնածուի կարգավիճակ հունիսին կայանալիք Եվրոպական խորհրդի նիստից հետո։ Այնուհետև պետք է սկսվեն անդամակցության շուրջ բանակցությունները, որոնք պետք է տեղի ունենան արագացված ընթացակարգով»,- գրել է Երմակը Telegram-ի իր ալիքում։
Նրա խոսքով՝ ԵՄ անդամի թեկնածուի կարգավիճակ ստանալու՝ Ուկրաինայի հնարավորությունների գնահատման հարցաշարի առաջին մասը լրացվել է մեկ շաբաթում և ուղարկվել Եվրահանձնաժողովին։ Ուկրաինայի նախագահի աշխատակազմի կայքում հրապարակված հաղորդագրության համաձայն՝ նախագահ Վլադիմիր Զելենսկին լրացված հարցաթերթիկը հանձնել է Ուկրաինայում Եվրամիության պատվիրակության ղեկավար Մատի Մաասիկասին։
«Սա կարևոր ազդանշան է, մենք հավատում ենք, որ աջակցություն կստանանք և կդառնանք ԵՄ անդամի թեկնածու, դրանից հետո կսկսվի հաջորդ՝ եզրափակիչ փուլը։ Մենք շատ ենք հավատում, որ այս ընթացակարգը տեղի կունենա մոտակա շաբաթների ընթացքում, և դա դրական կլինի մեր ժողովրդի պատմության համար՝ հաշվի առնելով այն գինը, որը նա վճարել է անկախության և ժողովրդավարության ճանապարհին»,- ասել է Զելենսկին։
Էմմա Չոբանյան
