15.12.2025 | 23:44
Ադրբեջանը պետք է դադարեցնի անձանց հսկողության MIRAS համակարգի ներդրումը. HRW
Ղրղզստանի նախագահն Ադրբեջան է մեկնում․ Բիշքեկն ու Բաքուն ռազմավարական գործընկերության հռչակագիր են ստորագրելու
Քաղաքականություն
18.04.2022 | 16:59
Ղրղզստանի նախագահ Սադիր Ժապարովն ապրիլի 19-20-ն Ադրբեջանի նախագահ Իլհամ Ալիևի հրավերով պաշտոնական այցով մեկնելու է Բաքու։ Այս մասին հայտարարել է Ղրղզստանի Հանրապետության նախագահի աշխատակազմի արտաքին քաղաքականության բաժնի ղեկավար Ժենբեկ Կուլուբաևը, տեղեկանում ենք Ղրղզստանի նախագահի պաշտոնական կայքից։
Ուշագրավ է, որ այցի ընթացքում ստորագրվելու են մի շարք փաստաթղթեր, այդ թվում՝ ռազմակավարական համագործակցության մասին։
Նշվում է, որ այցի ընթացքում Ժապարովը երկկողմ բանակցություններ է անցկացնելու Իլհամ Ալիևի հետ, նախատեսվում է նաև հանդիպում Մեջլիսի նախագահ Սահիբա Գաֆարովայի հետ։ Բացի այդ, նախատեսվում է հանդիպում ադրբեջանական գործարար շրջանակների հետ, որի ընթացքում տեղեկատվություն է ներկայացվելու Ղրղզստանի և առևտրաներդրումային ոլորտում համագործակցության հեռանկարների մասին։
Այս այցը տեղի է ունենում Ղրղզստանի և Ադրբեջանի միջև դիվանագիտական հարաբերությունների հաստատման 30-ամյակի, ինչպես նաև երկրների միջև բարեկամության և համագործակցության պայմանագրի ստորագրման 25-ամյակի նախաշեմին։
Ծրագրվում է նաև մի շարք փաստաթղթերի ստորագրում, մասնավորապես՝ Ռազմավարական գործընկերության հռչակագիր, Միջպետական խորհրդի ստեղծման հուշագիր, ինչպես նաև միջկառավարական ու միջգերատեսչական համաձայնագրեր։
Հավելենք, որ Ղրղզստանը Հայաստանի հետ միասին անդամակցում է նույն ռազմական և տնտեսական դաշինքներին՝ ՀԱՊԿ-ին և ԵՏՄ-ին։
Էմմա Չոբանյան
