08.06.2026 | 23:12
Երևանի և 8 մարզի մի շարք հասցեներում էլեկտրաէներգիաայի անջատումներ կլինեն
Թուրքիան հայտարարել է Հյուսիսային Իրաքում Քրդական աշխատավորական կուսակցության 19 անդամի ոչնչացման մասին
Քաղաքականություն
18.04.2022 | 17:16
Այսօր թուրքական զինուժը Հյուսիսային Իրաքում նոր անդրսահմանային գործողության ընթացքում չեզոքացրել է Քրդական աշխատավորական կուսակցության (PKK) 19 անդամի։ ՏԱՍՍ-ի հաղորդմամբ՝ այս մասին հայտարարել է Թուրքիայի Պաշտպանության նախարարությունը։
«Նախնական տվյալներով՝ «Pençe Kilit» անվանումը կրող հատուկ գործողության ընթացքում վնասազերծվել է 19 ահաբեկիչ, մեր չորս զինծառայողներ վիրավորվել են»,- ասվում է հաղորդագրությունում։
Հիշեցնենք, որ թուրքական բանակը Իրաքի հյուսիսում Քուրդիստանի շրջանում նոր ռազմական գործողություն է սկսել։
Նշվում է, որ գործողությունը սկսվել է, իբր, Քրդական աշխատավորական կուսակցության (PKK) դեմ։ Ռազմական գործողության մեկնարկի մասին հայտարարել է Թուրքիայի պաշտպանության նախարար Հուլուսի Աքարը ռազմաօդային ուժերի օպերատիվ շտաբ այցի ժամանակ։
Տաթև Ֆռանգյան
