20.04.2026 | 14:56
Վարչապետը ներկա է գտնվել Արթուր Աբրահամի անվան մանկապատանեկան մարզահամալիրի հիմնարկեքի արարողությանը
Ավտոմեքենաների գույքահարկը չեն վճարում, պարտք է գոյանում․ ի՞նչ միջոցներով պետք է ասֆալտապատում անենք․ Երևանի քաղաքապետ․ ՏԵՍԱՆՅՈՒԹ
Տնտեսություն
18.04.2022 | 10:49
«Օրենքի փոփոխություն է տեղի ունեցել, կան ավտոմեքենաներ, որ երեք տարին մեկ պետք է տեխզննում անցնեն, և շատ քաղաքացիներ խուսափում են ավտոմեքենայի գույքահարկը վճարելուց՝ բողոքելով, որ ասֆալտապատումը կտորներով է արվում, ամբողջական չի արվում»,- այսօր գործակարգավարական խորհրդակցության ժամանակ այս մասին նշեց Երևանի քաղաքապետ Հրաչյա Սարգսյանը:
Նրա տեղեկացմամբ՝ հավաքագրված բյուջեի հաշվին հնարավորություն է լինում իրականացնել ասֆալտապատման աշխատանքների ընդամենը 4-5 տոկոսը:
«Բոլոր կապալառուներն ուզում են ամբողջությամբ ասֆալտապատում իրականացնել, բայց քանի որ 5 տոկոսն ենք կարողանում անել, շատ տեղերում կտորներով է ասֆալտապատումը լինում: Ստացվում է, որ քաղաքացիներն ավտոմեքենաների գույքահարկը չեն վճարում, պարտք է գոյանում, իսկ մենք ի՞նչ միջոցներով պետք է ասֆալտապատում իրականացնենք»,- նշեց քաղաքապետը՝ հավելելով, որ ինչ-որ գործիքներ պետք է կիրառվեն և ԱՊՊԱ-ի արժեքը պետք է կապված լինի նաև տեխզննման իրականացման հետ:
Մանրամասները՝ տեսանյութում:
