09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Ոչ մի կործանիչ Թուրքիային․ ԱՄՆ-ի կողմից Անկարային F-16-եր չվաճառելու արշավ է մեկնարկել
Քաղաքականություն
15.04.2022 | 21:23
ԱՄՆ-ում նոր արշավ է մեկնարկել, որով կոչ է արվում ԱՄՆ-ին՝ ամերիկյան F-16 կործանիչներ և արդիական սարքավորումներ չվաճառել Թուրքիային, քանի դեռ Անկարան «չի համապատասխանում ԱՄՆ-ի և միջազգային իրավունքի չափանիշներին», գրում է ekathimerini-ն։
Օգտագործելով #NoJetsForTurkey հեշթեգը՝ արշավը կոչ է անում ԱՄՆ քաղաքացիներին միջնորդել իրենց սենատորներին՝ խնդրելով, որ նրանք դեմ արտահայտվեն Թուրքիայի դիմումին։
«Թուրքիան անվստահելի դաշնակից է, որին արդեն արգելել են նման գնումներ կատարել ռուսական հակաօդային պաշտպանության համակարգերի գնման պատճառով։ Մենք պետք է համոզվենք, որ Թուրքիան չի կարող գնել F-16 կամ արդիականացման սարքավորումներ, քանի դեռ չի համապատասխանում ԱՄՆ-ի և միջազգային իրավունքի չափանիշներին»,- ասվում է արշավի մասին հաղորդագրությունում։
Նշվում է նաև, որ Թուրքիան ոչ միայն գնել է ռուսական համակարգեր՝ ի հակադրություն ՆԱՏՕ-ի շահերին, այլև շարունակում է անօրինական կերպով Կիպրոսի օկուպացիան և մշտական սպառնալիքները Հունաստանի օդային տարածքի և ցամաքային տարածքի դեմ։ Ասվում է նաև, որ F-16-ների կամ արդիականացման սարքերի վաճառքը Թուրքիային վտանգավոր նախադեպ է ստեղծելու։
Այս արշավն աջակցվում է 10 կազմակերպություների կողմից, որոնց թվում են Հելլենա-ամերիկյան առաջնորդության խորհուրդը, Ամերիկայի Հայ դատի հանձնախումբը, Կիպրոսի համար արդարադատության միջազգային համակարգման կոմիտեն։
Էմմա Չոբանյան
