29.06.2026 | 00:59
ԱԱ-2026. Վերջին վայրկյաններին հաղթական գոլ` փլեյ-օֆֆի մեկնարկային խաղում. ՏԵՍԱՆՅՈՒԹ
ՀՀ ոստիկանությունը նոր մանրամասներ է հաղորդում Լեոնիդ Ազգալդյանի հուշարձանը վնասելու միջադեպից
Հասարակություն
15.04.2022 | 17:54
Ապրիլի 13-ին ոստիկանության օպերատիվ կառավարման կենտրոն ահազանգած քաղաքացին հայտնում էր, որ վնասել են Մաշտոցի պողոտայի և Խորենացու փողոցի խաչմերուկում տեղադրված Լեոնիդ Ազգալդյանի հուշարձանը: Ահազանգով դեպքի վայր մեկնած ոստիկանության Կենտրոնական բաժնի ծառայողները պարզել են, որ անհայտ անձը բութ առարկայով վնասել է Արցախի հերոսի կիսանդրու դեմքի հատվածը. տեղեկացնում են ՀՀ ոստիկանությունից։
Փաստի առթիվ հարուցվել է քրեական գործ:
Արարքը կատարած անձին հայտնաբերելու ուղղությամբ Կենտրոնական բաժնի քրեական հետախույզների ձեռնարկած օպերատիվ-հետախուզական միջոցառումների արդյունքում, պարզվել է կատարողի ինքնությունը: Երևանի Մաշտոցի պողոտայի բնակիչ, 58-ամյա տղամարդը բերման է ենթարկվել ոստիկանության Կենտրոնական բաժին և տվել խոստովանական ցուցմունք: Նա ձերբակալվել է:
Կատարվում է քննություն:
Թեմայի առնչությամբ կարդացեք նաև՝
