05.08.2026 | 15:51
Սարգիս Սահակյանից հօգուտ պետության կբռնագանձվի շուրջ 184 միլիոն դրամ և անշարժ գույք. Դատախազություն
Երևանում վնասել են Արցախի հերոս Լեոնիդ Ազգալդյանի հուշաքարը․ ՏԵՍԱՆՅՈՒԹ
14.04.2022 | 11:46
Արցախի Լեոնիդ Ազգալդյանի հուշաքարը, որը տեղադրված է մայրաքաղաքի Մաշտոցի պողոտայի և Մովսես Խորենացի փողոցների խաչմերուկում, վնասել են։
Քաղաքացիներից փորձեցինք պարզել, ասացին` չեն տեսել, թե ով ու երբ է վնասել հուշաքարը: Ոստիկանության լրատվությունից Factor.am-ին հայտնեցին, որ հուշաքարի վնասման մասին երեկ է հաղորդում ստացվել և նյութեր են նախապատրաստվում:
Հուշաքարը տեղադրվել էր է 2002 թվականի դեկտեմբերի 11-ին: Լեոնիդ Ազգալդյանը Ղարաբաղյան շարժման սկզբնավորման օրից գործուն կերպով մասնակցել է ազգային-ազատագրական պայքարին։ 1990 թվականի փետրվարից վարել է «Անկախության բանակ»-ի հրամանատարությունը, կազմակերպել մի շարք շրջանների և հատկապես Վարդենիսի ինքնապաշտպանությունը: 1992 թվականի հունիսի 21-ին Մարտակերտի շրջանում՝ Տոնաշեն գյուղի մոտ թշնամու դավադիր կրակոցների զոհ է դարձել։
Հետմահու պարգևատրվել է ԼՂՀ և ՀՀ «Մարտական խաչ» առաջին աստիճանի շքանշանով։ 2019 թվականի օգոստոսի 31-ին Արցախի Հանրապետության 28-րդ տարեդարձի կապակցությամբ Լեոնիդ Ազգալդյանին հետմահու շնորհվել է Արցախի հերոս կոչումը և «Ոսկե արծիվ» շքանշանը։
Արփի Հակոբյան
