06.11.2024 | 23:22
Ժոզեպ Բորելը շնորհավորել է Դոնալդ Թրամփին և հայտարարել ուժեղ Եվրոպա ստեղծելու մասին
Հորդանանի ԱԳ նախարարը Իսրայելից պահանջել է ոստիկանական ուժերը դուրս բերել Ալ-Աքսա մզկիթից
Քաղաքականություն
15.04.2022 | 17:26
Իսրայելը պետք է անհապաղ դուրս բերի ոստիկանական ուժերն ու հատուկ ջոկատայիններին Երուսաղեմի Ալ-Աքսա մզկիթի տարածքից։ Իսրայելի իշխանություններին նման պահանջով դիմել է Հորդանանի փոխվարչապետ, արտաքին գործերի նախարար Այման աս-Սաֆադին, գրում է ՏԱՍՍ-ը։
«Մենք խստորեն դատապարտում ենք իսրայելական ոստիկանության և հատուկ ջոկատայինների հարձակումը օրհնված Ալ-Աքսա մզկիթի և հավատացյալների վրա, ինչը բացարձակապես անընդունելի է»,- ասել է նա Al Jazeera-ին տված հարցազրույցում:
Հորդանանցի պաշտոնյան նախազգուշացրել է էսկալացիայի վտանգավոր հետևանքների մասին և Իսրայելի կառավարությանը պատասխանատու համարել Տաճարի լեռան անվտանգության համար։
«Իսրայելը, որպես օկուպացիոն տերություն, պետք է կատարի միջազգային մարդասիրական իրավունքով ստանձնած պարտավորությունները»,- ասել է նա։
Տաթև Ֆռանգյան
