28.02.2026 | 12:02
ՀՀ գլխավոր հյուպատոս Աննա Ավետիսյանը հանդիպել է Ադրին Նազարյանի հետ՝ քննարկելով Հայաստան–Կալիֆորնիա համագործակցությունը
Թուրքիան բանակցություններ է վարում ՌԴ-ի հետ` ձեթով և պողպատով բեռնված իր 22 նավերը արգելափակումից դուրս բերելու համար
Քաղաքականություն
15.04.2022 | 16:12
Թուրքիան բանակցություններ է վարում Ուկրաինայի և Ռուսաստանի հետ Սև ծովի ուկրաինական ափերի մոտ արգելափակված իր նավերի շուրջ։ Այս մասին հայտարարել է Թուրքիայի տրանսպորտի և ենթակառուցվածքների նախարար Ադիլ Կարաիսմաիլօղլուն, գրում է ՏԱՍՍ-ը։
«Մենք բանակցություններ ենք վարում և՛ Ռուսաստանի, և՛ Ուկրաինայի հետ։ Մենք 22 նավ ունենք արգելափակված Ուկրաինայի Սև ծովի ափերի մոտ, մենք պետք է դրանք դուրս բերենք այնտեղից։ Մենք պետք է դուրս բերենք արևածաղկի ձեթի և պողպատի բեռներով նավերը»,- նրա խոսքերն է մեջբերում CNN TURK-ը։
Ավելի վաղ թուրքական լրատվամիջոցները հայտնել էին, որ Ուկրաինայում տիրող իրավիճակի պատճառով որոշ բեռնատար նավեր արգելափակվել են Ազովի ծովում։
Միևնույն ժամանակ, Թուրքիայի ծովագնացության գլխավոր վարչությունը հայտնել է, որ թուրքական նավերը շարունակում են բեռնափոխադրումները ռուսական նավահանգիստներում, բացառությամբ՝ Ազովի ծովի նավահանգիստների։
Տաթև Ֆռանգյան
