08.06.2026 | 15:04
Համայնքապետերի ներկայությունից մինչև ընտրողների տեղափոխման դեպք․ «Ականատես»-ի արձանագրած խախտումները․ ՏԵՍԱՆՅՈՒԹ
Ալեն Սիմոնյանին հարցրի՝ կարգավիճակ ասելով՝ ձեր իշխանությունն ի՞նչ է հասկանում. ԱՀ ԱԺ պատգամավոր․ ՏԵՍԱՆՅՈւԹ
14.04.2022 | 20:18
Արցախի Ազգային ժողովի պատգամավորների նախաձեռնությամբ գումարվել է Արցախի ԱԺ արտահերթ նիստ՝ Ազգային ժողովի հայտարարության մասին օրակարգով։
Արցախի ԱԺ պատգամավոր Արթուր Մոսիյանը պատմեց, որ ամիսներ առաջ ԱՀ ԱԺ պատգամավորները մի շարք հանդիպումներ են ցանկացել ունենալ միջխորհրդարանական հանձնաժողովի ֆորմատով, սակայն հանձնաժողովը չի կայացել, և իրենք ուղևորվել են Երևան, հանդիպել ԱԺ նախագահի և մի քանի պատգամավորների հետ.
«Ես հարց ուղղեցի ԱԺ նախագահ Ալեն Սիմոնյանին, ասելով, կարգավիճակ ասելով ձեր իշխանությունն ի՞նչ է հասկանում, և կարո՞ղ է մի օր ասեք՝ Արցախը՝ Ադրբեջանի կազմում: Ալեն Սիմոնյանը վիրավորված ասաց՝ մեզ ինչի՞ տեղ եք դնում, իհարկե, խոսքը վերաբերում է անկախացմանը կամ Հայաստանին միացմանը, հո չե՞նք ասելու Ադրբեջանի կազմում։
Փաստորեն վարչապետի երեկվա ելույթից և իջեցրած հրահանգի շնորհիվ որոշ պատգամավորների ելույթներից հետո պարզ դարձավ մի պարզ ճշմարտություն, էն ինչ մենք մտածում էինք, դժբախտաբար, դարձավ իրականություն։
Ես հավատացնում եմ, որ այդ տեսակը մեր ժողովրդի մեջ շատ չէ, չի կարող հայ ազգի մեջ այդ տեսակը լինել մեծամասնություն»,- նշեց Մոսիյանը։
Մանրամասները՝ տեսանյութում:
