12.09.2026 | 19:45
BRICS երկրները կաջակցեն բազմակողմ առևտրային համակարգին. Սի Ծինփին
Կուզեի՝ վարչապետին մենք ընտրեինք, ոչ թե այն գենետիկ խոտանը, որը նստած է խորհրդարանում․ Սերգեյ Դանիելյան. ՏԵՍԱՆՅՈՒԹ
Քաղաքականություն
26.04.2018 | 20:40
«Հանրապետականների դիրքերն այսօր ամուր են։ Կա սահմանադրություն, ըստ որի նրանք կընտրեն վարչապետ։ Շարունակելը այս ձևով դրա դեմ բողոքել․․․Արդյունքը չեմ հասկանում»,- Factor.am-ի հետ զրույցում նման մտահոգություն հայտնեց դերասան Սերգեյ Դանիելյանը՝ անդրադառնալով հայաստանյան քաղաքական ներքին կյանքին, մասնավորապես՝ Նիկոլ Փաշինյանի առաջնորդած ընդդիմադիր շարժմանը։
Դերասանը Նիկոլ Փաշինյանին տեսնում է վարչապետի պաշտոնում, սակայն ցանկանում է տեսնել, թե ովքեր են նրա թիմում, նաև հարցնում է՝ ինչպե՞ս պետք է Նիկոլ Փաշինյանը վարչապետ դառնա․ «Ժողովուրդը պետք է հավաքվի, գոռա, ասի՝ ուզում ենք դառնաս վարչապետ, դառնա վարչապե՞տ, ես դեմ չեմ։ Կուզեի, որ եթե վաղը լիներ ընտրություններ, վարչապետին մենք ընտրեինք, ոչ թե այն գենետիկ խոտանը, որը նստած է խորհրդարանում»։
Նրա խոսքով՝ պետք է հասկանալ, որ ՀՀԿ-ն ունի ռեսուրսներ, և այդ ռեսուրսների մեծ մասը հիմնված է կրիմինալի վրա․ «Դա սարսափելի է։ Նիկոլ Փաշինյանը պետք է պայմանավորվի կապիտալի հետ, չգիտեմ՝ որ կապիտալի․ առանց փող հեղափոխություն չէր անի»։
Դերասանը լավ է վերաբերվում Նիկոլ Փաշինյանի՝ այլ կուսակցությունների հետ համագործակցությունն այն դեպքում, եթե դա փող կբերի․ «Հեղափոխությունը փող է, և պետք չէ ամեն անգամ ժողովրդին հարցնել՝ սենց անե՞մ, նենց անե՞մ։ Եթե քո միակ հիմքը ամբոխն է, դա չեղավ քաղաքականություն»։
Մանրամասները՝ տեսանյութում։
Աննա Բաբաջանյան
