29.06.2026 | 00:59
ԱԱ-2026. Վերջին վայրկյաններին հաղթական գոլ` փլեյ-օֆֆի մեկնարկային խաղում. ՏԵՍԱՆՅՈՒԹ
Նավալնիի մերձավոր Լյուբով Սոբոլի դատավճիռը փոխարինվել է իրական ազատազրկմամբ
Քաղաքականություն
14.04.2022 | 20:27
Մոսկվայի Սիմոնովսկի շրջանային դատարանը ընդդիմության առաջնորդ Ալեքսեյ Նավալնիի կողմնակից, Հակակոռուպցիոն հիմնադրամի (FBK) իրավաբան, ընդդիմադիր Լյուբով Սոբոլի «սանիտարական գործով» պատիժը փոխարինել է ազատության իրական սահմանափակմամբ։ DW-ի ռուսական ծառայության փոխանցմամբ՝ այս մասին տեղեկությունը հրապարակել է փաստաբան Վլադիմիր Վորոնինը։
«Լյուբովը դատապարտվել է 5 ամիս 26 օր ազատազրկման ընդհանուր ռեժիմի քրեակատարողական գաղութում: Որոշումը կբողոքարկվի մեր կողմից»,- նշել է նա։
Հիշեցնենք, որ Լյուբով Սոբոլը մեղադրվում է սանիտարահամաճարակային կանոնները խախտելուն դրդելու մեջ՝ կապված 2021 թվականի հունվարին ի աջակցություն Ալեքսեյ Նավալնիի բողոքի ակցիաների։ Ըստ քննիչների՝ նա քաղաքացիներին կոչ է արել մասնակցել չարտոնված միջոցառմանը՝ այդպիսով, իբր, ստեղծելով կորոնավիրուսային վարակի տարածման վտանգ։
Լյուբով Սոբոլը լքել է Ռուսաստանը 2021 թվականի օգոստոսին «սանիտարական գործով» դատավճռի օրինական ուժի մեջ մտնելուց անմիջապես հետո։ Հետո նրան մեկուկես տարվա ազատության սահմանափակում է նշանակել։ Ներքին գործերի նախարարությունը նրա նկատմամբ հետախուզում է հայտարարել։
