29.04.2026 | 10:12
Հայտնի է Արման Ծառուկյանի հաջորդ մրցակիցը RAF-ում
Էս փոփոխության տերը Նիկոլ Փաշինյանն է, և «Ելք»-ի ճակատագիրն ավելի շատ կախված է նրանից. Արամ Սարգսյան. ՏԵՍԱՆՅՈՒԹ
Քաղաքականություն
26.04.2018 | 20:04
Անկախ մայիսի 1-ին Ազգային ժողովում տեղի ունենալիք ընտրության արդյունքներից՝ Հայաստանում այսուհետ ամեն ինչ ավելի լավ է լինելու, քան մինչ այս էր: Factor.am-ի հետ զրույցում համոզմունք հայտնեց ԱԺ «Ելք» խմբակցության պատգամավոր, «Հանրապետություն» կուսակցության նախագահ Արամ Սարգսյանը:
«Ժողովուրդն ապացուցեց՝ իշխանության իրական տերն ինքն է: Եվ այդ մտքին ժողովրդին բերեց Նիկոլ Փաշինյանը, որն ունեցավ լուրջ անձնական ներդրում այս ամենում: Իմ ներդրումը չնչին է, Ազգային ժողովի մեկ-երկու ելույթով կամ ի սկզբանե Սերժ Սարգսյանի երրորդ ժամկետի վատ ազդեցությունը հանրությանը ներկայացնելով»,- նշեց Արամ Սարգսյանը:
Ըստ Արամ Սարգսյանի՝ հանրությունն այժմ ուզում է տեսնել Նիկոլ Փաշինյանին Հայաստանի վարչապետի թեկնածու, և այդ հանրության ազդեցությունն է, որ ԱԺ պատգամավորներին պետք է բերի նման որոշում կայացնելուն:
Հարցազրույցի ընթացքում Արամ Սարգսյանն անդրադարձավ նաև Նիկոլ Փաշինյանի շարժմանը չմիանալուն, Սերժ Սարգսյանի հրաժարականին և առաջիկայում սպասվող քաղաքական զարգացումներին:
Հարցազրույցն ամբողջությամբ՝ տեսանյութում:
Շողիկ Գալստյան
