09.12.2025 | 21:49
Ճապոնիան հրաժարվել է օգտագործել սառեցված ռուսական ակտիվները՝ Ուկրաինայի «փոխհատուցման վարկի» համար. Politico
Էլեն Խաչիկյանը միջազգային երաժշտական մրցույթում արժանացել է «Absolute Prize» մրցանակին
Մշակույթ
14.04.2022 | 17:19
Իտալիայում կայացած «AMIGDALA »միջազգային երաժշտական 9-րդ մրցույթում «Մեկնարկ» նպատակային ծրագրի անդամ Էլեն Խաչիկյանը (Պ․ Չայկովսկու անվան ԵՄՄԴ, ուսուցիչ՝ Մարինե Մարգարյան) արժանացել է առաջին՝ «Absolute Prize» մրցանակին՝ հավաքելով 100 միավոր հնարավոր 100-ից․ տեղեկացնում են ՀՀ ԿԳՄՍՆ-ից։
Մրցույթին մասնակցել է 364 երաժիշտ 34 երկրից։ Ժյուրիի կազմում ընդգրկված մասնագետներն էին Ֆրանչեսկո Զապալան (Իտալիա), Ջին Հա Փարքը (ԱՄՆ), Յուշիա Շիբատան (Ճապոնիա), Նունզիատա Բոնակորսին (Իտալիա), Ռեն Յանը (Չինաստան), Անտոնիո Սոթիլը (Ֆրանսիա), Էնթոնի Թամը (Կանադա)։
Էլեն Խաչիկյանի ելույթն արժանացել է ժյուրիի գնահատանք-խոսքին․ «․․․Նա ցուցաբերեց դաշնամուրային փայլուն տեխնիկա՝ չմոռանալով ներկայացնել նաև իր ձայնային և ոճային բազմերանգությունը»։
Հավելենք, որ «Մեկնարկ» նպատակային ծրագիրն իրականացվում է ԿԳՄՍՆ աջակցությամբ:
