18.12.2025 | 21:24
Պաշտոնական այցերից ինչ նվերներով են վերադարձել ԱԺ նախագահը, ԱԳ նախարարն ու ԱԽ քարտուղարը
ԱՄՆ-ի Javelin հակատանկային հրթիռների պաշարները սպառվում են Ուկրաինա մատակարարումների պատճառով․ CNN
Քաղաքականություն
14.04.2022 | 15:44
ԱՄՆ-ն Ուկրաինային այնքան շատ է Javelin հակատանկային հրթիռներ ուղարկել, որ դրա պաշարները սպառվում են սեփական ուժերի կողմից հնարավոր օգտագործման համար։ Այս մասին ասվում Ռազմավարական և միջազգային հետազոտությունների կենտրոնի ուսումնասիրության մեջ, գրում է CNN-ը։
CSIS-ի Միջազգային անվտանգության ծրագրի ավագ խորհրդական Մարկ Կանչիանի զեկույցում ասվում է, որ ԱՄՆ-ի պաշարները նոր սպառազինություններով համալրելու համար տարիներ կպահանջվեն։
Նա նշում է, որ դրանք կարող են շատ օգտակար լինել ԱՄՆ-ի ուժերի համար ցանկացած անկանխատեսելի հակամարտությունում, և Պենտագոնը պետք է հետևի իր պաշարների կրճատմանը։
«Ռազմական պլանավորողները, հավանաբար, նյարդայնանում են։ ԱՄՆ-ը պահում է պաշարներ մի շարք հնարավոր համաշխարհային հակամարտությունների համար, որոնք կարող են տեղի ունենալ Հյուսիսային Կորեայի, Իրանի կամ հենց Ռուսաստանի դեմ: Ինչ-որ պահի այդ պաշարներն այնքան կնվազեն, որ ռազմական պլանավորողները կասկածի տակ կդնեն՝ արդյո՞ք պատերազմական ծրագրերը կարող են իրականացվել: Միացյալ Նահանգները, հավանաբար, մոտենում է այդ կետին»,- ասվում է զեկույցում։
Կանչիանը նշում է, որ 20․000-25․000 Javelin կարող է մնացած լինել պահեստներում, և Ուկրաինային ուղարկված 7000 համակարգերը «կազմում են ԱՄՆ ընդհանուր պաշարի մեկ երրորդը»։
«Երեք կամ չորս տարի կպահանջվի՝ մինչ այժմ մատակարարված հրթիռները փոխարինելու համար։ Եթե ԱՄՆ-ն ավելի շատ հրթիռներ մատակարարի Ուկրաինային, փոխարինման համար ավելի շատ ժամանակ կպահանջվի»,- ասվում է զեկույցում։
Էմմա Չոբանյան
