10.10.2026 | 10:55
Ռոնալդուն 980-րդ գոլն է խփել կարիերայում. ՏԵՍԱՆՅՈՒԹ
Ռուսաստանը հայտարարել է, որ պատրաստ է խզել հարաբերությունները ԵՄ-ի հետ
Քաղաքականություն
14.04.2022 | 16:23
Եվրամիությունը դուրս է գալիս Ռուսաստանի հետ կապված իր իրավասությունների շրջանակից։ Դրա հետ կապված՝ Ռուսաստանի Դաշնությունը կարող է խզել հարաբերությունները ԵՄ-ի հետ։ Այս մասին հայտարարել է ՌԴ Դաշնային խորհրդի փոխխոսնակ Կոնստանտին Կոսաչովը։
Նրա խոսքով՝ Ռուսաստանն ամբողջությամբ կտրել է կապը Եվրախորհրդի և Մարդու իրավունքների եվրոպական դատարանի հետ։ Հիմա Ռուսաստանի իշխանությունները նույնը կարող են անել Եվրամիության հետ։
«Եվրախորհրդի և ՄԻԵԴ-ի հետ հարաբերություններն արդեն լրիվ խզվել են։ Բանը հասել է դրան հենց այն պատճառով, որ այդ կառույցները դուրս են եկել իրենց իրավասությունների շրջանակից և ներխուժել են Ռուսաստանի ներքին գործերի տարածք։ Նույնը տեղի կունենա Եվրամիության հետ, եթե նրանք չվերադառնան իրենց սահմաններին, որոնցից դուրս արդեն կա մեկ այլ տարածություն, որոշ չափումներում այն դեռ ընդհանուր է, իսկ որոշ չափումներում՝ ԵՄ-ի համար անհասանելի»,- ասել է Կոսաչովը։
Հիշեցնենք, որ Եվրոպայի խորհրդի Նախարարների կոմիտեն մարտի 16-ին կասեցրել է Ռուսաստանի անդամակցությունը կազմակերպությանը։
Տաթև Ֆռանգյան
