16.12.2025 | 23:30
Հաագայում 35 երկիր ստորագրել է Ուկրաինային փոխհատուցման համար միջազգային հանձնաժողովի ստեղծման կոնվենցիան
Ռուսաստանը զգուշացրել է Բալթիկ ծովում միջուկային զենքի տեղակայման մասին, եթե Շվեդիան և Ֆինլանդիան անդամակցեն ՆԱՏՕ-ին
Քաղաքականություն
14.04.2022 | 18:41
Ռուսաստանի նախագահ Վլադիմիր Պուտինի մերձավոր դաշնակիցներից մեկը նախազգուշացրել է ՆԱՏՕ-ին, որ եթե Շվեդիան և Ֆինլանդիան միանան ԱՄՆ-ի գլխավորած ռազմական դաշինքին, ապա Ռուսաստանը պետք է ամրապնդի իր պաշտպանությունը տարածաշրջանում, այդ թվում՝ միջուկային զենքի տեղակայմամբ, գրում է US news-ը:
Ֆինլանդիան, որը 1300 կմ (810 մղոն) սահման ունի Ռուսաստանի հետ, ինչպես նաև Շվեդիան մտածում են ՆԱՏՕ-ի դաշինքին անդամակցելու մասին։ Ֆինլանդիան որոշում կկայացնի առաջիկա մի քանի շաբաթվա ընթացքում, հայտարարել է վարչապետ Սաննա Մարինը։
Ռուսաստանի Անվտանգության խորհրդի փոխնախագահ Դմիտրի Մեդվեդևն ասել է, որ եթե Շվեդիան և Ֆինլանդիան միանան ՆԱՏՕ-ին, ապա Ռուսաստանը պետք է ուժեղացնի իր ցամաքային, ռազմածովային և օդային ուժերը Բալթիկ ծովում՝ ռազմական հավասարակշռությունը վերականգնելու համար։
Մեդվեդևը նաև հստակորեն բարձրաձայնել է միջուկային սպառնալիքի մասին՝ ասելով, որ այլևս չի կարող խոսվել «միջուկային զենքից զերծ» Բալթիկի մասին:
«Այլևս չի կարող խոսվել Բալթյան երկրների համար առանց միջուկային կարգավիճակի մասին, հավասարակշռությունը պետք է վերականգնվի», – ասել է Մեդվեդևը:
Տաթև Ֆռանգյան
