08.06.2026 | 17:56
120 ձայն հետ է եկել` մեր հաշվարկներով, վերահաշվարկ ենք պահանջել․ Արման Աբովյան․ ՏԵՍԱՆՅՈՒԹ
Մոսկվայի և Կիևի միջև բանակցություններում մթնոլորտը փոխվել է․ Էրդողանը նոր հեռախոսազրույց է ծրագրում Պուտինի և Զելենսկիի հետ
Քաղաքականություն
14.04.2022 | 13:50
Թուրքիայի նախագահ Ռեջեփ Թայիփ Էրդողանը ծրագրում է առաջիկա օրերին հեռախոսազրույցներ ունենալ Ռուսաստանի և Ուկրաինայի առաջնորդներ Վլադիմիր Պուտինի և Վլադիմիր Զելենսկիի հետ։ Այս մասին հայտնել է Թուրքիայի ԱԳՆ ղեկավար Մևլյութ Չավուշօղլուն, փոխանցում է ՌԻԱ Նովոստին։
«Մեր նախագահն առաջնորդների հետ բանակցությունները կշարունակի առաջիկա օրերին, մենք էլ մեր հերթին մշտական հեռախոսային կապ ենք պահպանում մեր ռուս և ուկրաինացի գործընկերների հետ։ Ես շփումներ ունեմ Մոսկվայի հետ բանակցություններում ներկայացված ուկրաինական պատվիրակության հետ։ Մշտական կապեր են պահպանվում նաև ռուսական կողմի հետ»,- ասել է Չավուշօղլուն NTV-ին տված հարցազրույցում։
Նրա խոսքով՝ Մոսկվայի և Կիևի միջև բանակցություններում մթնոլորտը փոխվել է։
«Սակայն մենք հույսը չենք կորցնում, շարունակում ենք մեր դիվանագիտական ջանքերը՝ առաջնորդների հանդիպում կազմակերպելու, կայուն հրադադարի հասնելու համար: Եթե առաջիկա օրերին ռազմական գործողությունները սրվեն, հրադադարի շուրջ համաձայնության հասնելը դժվար կլինի»,- ասել է նա:
Հիշեցնենք՝ ավելի վաղ Ստամբուլում տեղի են ունեցել դեմ առ դեմ բանակցություններ Մոսկվայի և Կիևի պատվիրակությունների միջև։ Հանդիպումից հետո ռուսական պատվիրակության ղեկավար Վլադիմիր Մեդինսկին ասել է, որ Ռուսաստանը գրավոր առաջարկներ է ստացել Ուկրաինայից կողմերի միջև համաձայնության վերաբերյալ։
Տաթև Ֆռանգյան
