27.03.2026 | 23:30
Պորտուգալիայում քահանաների կողմից սեռական բռնության զոհերին ավելի քան 1,6 միլիոն եվրո փոխհատուցում է հատկացվել
ԱՄՆ իշխանությունները քննարկում են բարձրաստիճան պաշտոնյայի Կիև ուղարկելու հարցը․ NYT
Քաղաքականություն
14.04.2022 | 16:45
ԱՄՆ իշխանությունները քննարկում են բարձրաստիճան պաշտոնյայի Կիև ուղարկելու հնարավորությունը՝ ի նշան Ուկրաինային աջակցության, գրում է New York Times-ը՝ հղում անելով սեփական աղբյուրին։
Նշենք, որ Politico-ն առաջինն էր, որը հայտնել է ԱՄՆ-ի նման մտադրության մասին: Չափազանց փոքր է հավանականությունը, որ դա կլինի նախագահ Ջո Բայդենը կամ փոխնախագահ Քամալա Հարիսը, ավելի հավանական է, որ Ուկրաինա կգնա նախարար կամ բարձրաստիճան զինվորական, փոխանցում է New York Times-ը։
Պարբերականի տեղեկություններով՝ որոշումը դեռ կայացված չէ, և դժվար թե դրա մասին նախապես հայտարարվի։ Նախկինում ԱՄՆ բարձրաստիճան պաշտոնյաների՝ պատերազմական գոտիներ այցելությունների մասին չի հայտարարվել։
Աղբյուրը հիշեցնում է, որ Ուկրաինայում ՌԴ ռազմական գործողության մեկնարկից ի վեր ոչ մի ամերիկացի պաշտոնյա Կիև չի այցելել։
Տաթև Ֆռանգյան
