23.04.2026 | 14:36
Տուապսեի նավթային տերմինալի հրդեհը երրորդ օրն է՝ շարունակվում է. այն սպառնում է վերածվել բնապահպանական աղետի
Մակրոնը հրաժարվել է ՌԴ-ին մեղադրել ուկրաինացի ժողովրդի ցեղասպանության մեջ
Քաղաքականություն
13.04.2022 | 14:25
Ֆրանսիայի նախագահ Էմանուել Մակրոնը Ռուսաստանի ռազմական գործողություններն Ուկրաինայում անվանել է խելագարություն և կոչ է արել հետաքննել ռազմական հանցագործությունները, սակայն հրաժարվել է Բայդենի օրինակով Պուտինին մեղադրել ուկրաինացի ժողովրդի ցեղասպանության մեջ, գրում է BBC-ի ռուսական ծառայությունը։
«Ես զգույշ կլինեի տերմինների առումով»,- ասել է Մակրոնը, իսկ լրագրողի հստակեցնող հարցին, թե ինչո՞ւ, պատասխանել է․ «Քանի որ նրանք եղբայրական ժողովուրդներ են՝ ռուսներն ու ուկրաինացիները»։
«Ես ամեն ինչ անում եմ խաղաղությունը վերադարձնելու համար։ Վստահ չեմ, որ բանավոր էսկալացիան կօգնի դրան»,- ասել է Էմանուել Մակրոնը՝ հավելելով, որ առաջիկա օրերին պատրաստվում է կրկին զանգահարել և՛ Զելենսկիին, և՛ Պուտինին։
Հիշեցնենք՝ ԱՄՆ նախագահ Ջո Բայդենն առաջին անգամ Ուկրաինայի դեմ Ռուսաստանի պատերազմը նույնացրել է ցեղասպանության հետ։ Երեքշաբթի՝ ապրիլի 12-ին Այովա նահանգում ելույթի ժամանակ Սպիտակ տան ղեկավարը, խոսելով գազի գների բարձրացման մասին, նշել է. «Ձեր ընտանեկան բյուջեն, գազը լցնելու ձեր կարողությունը չպետք է կախված լինի աշխարհի մյուս ծայրում գտնվող բռնապետից, որը պատերազմ է հայտարարում և ցեղասպանություն է գործում»:
Տաթև Ֆռանգյան
