23.04.2026 | 15:27
Գերմանիան Ուկրաինայի և Լատվիայի քաղաքացիների է ձերբակալել դիվերսիաներ նախապատրաստելու կասկածանքով
ԵՄ-ն շարունակում է քննարկել ՌԴ-ի դեմ նոր պատժամիջոցները․ առանցքայինը ռուսական նավթից ու գազից հրաժարումն է
Քաղաքականություն
12.04.2022 | 18:53
ԵՄ-ն շարունակում է քննարկել Ռուսաստանի դեմ նոր պատժամիջոցների հարցը, գրում է BBC-ի ռուսական ծառայությունը։
Եվ դեռ առանցքային հարցն այն է, թե Եվրոպան կկարողանա՞ հրաժարվել նավթից ու գազից՝ առանց իրեն լուրջ վնաս պատճառելու։ Ուկրաինայի նախագահ Վլադիմիր Զելենսկին այսօր կրկին կոչ է արել Եվրոպային հրաժարվել ռուսական նավթից և գազից։
Դրան դեմ է հանդես գալիս Հունգարիան։ Գերմանիայի էներգետիկ դաշնային գործակալության ղեկավար Կլաուս Մյուլլերն այսօր ասել է, որ Ռուսաստանի դեմ պատժամիջոցների դեպքում Գերմանիայի գազի պաշարներն օգոստոսին մոտ կսպառվեն։
Հունաստանն իր հերթին, ինչպես հայտարարել է վարչապետ Կիրիակոս Միցոտակիսը, արագացնում է սեփական պաշարների հայտնաբերման և գնահատման աշխատանքները։
Իսպանական El País պարբերականն է, վկայակոչելով իր դիվանագիտական աղբյուրներին, գրում է, որ միգուցե ԵՄ-ն կիրառի ոչ թե ընդհանուր, այլ տարբերակված մոտեցում, և միայն ԵՄ այն երկրները կհրաժարվեն ռուսական գազից, որոնք կարող են իրենց դա թույլ տալ։
Էմմա Չոբանյան
