25.11.2024 | 23:30
Էրդողանը ծրագրում է հաջորդ ժամկետով գրավել իշխանությունը․ TIME-ի անդրադարձը
Արտակարգ իրավիճակ Բրուքլինի մետրոյի կայարանում․ կա 13 վիրավոր․ ՏԵՍԱՆՅՈՒԹ
Քաղաքականություն
12.04.2022 | 18:44
Նյու Յորքում օրվա պիկ ժամին Բրուքլինի մետրոյի կայարանաններից մեկում մի քանի մարդ հրազենային վիրավորում է ստացել։ Հաղորդվում է նաև ծխի և պայթուցիկի տեսք ունեցող կասկածելի սարքավորումների հայտնաբերման մասին: Գնացքների երթևեկությունը դադարեցվել է, գրում է Israel info-ն։
Նախնական տվյալներով՝ տուժել է առնվազն 13 մարդ։ Իրավապահ մարմինների ներկայացուցիչը հայտնել է, որ դեպքի վայրում մի քանի չպայթած պայթուցիկ սարքեր են հայտնաբերվել, սակայն այս տեղեկությունը դեռևս չի հաստատվել։
Ականատեսների վկայությամբ՝ մետրոյի կայարանում հրաձգության հեղինակը կարճահասակ տղամարդ է եղել, միջին կազմվածքով։ Հանցագործը դեպքի վայրից դիմել է փախուստի, նրան դեռևս չի հաջողվել հայտնաբերել։ Մի շարք աղբյուրներ էլ հայտնել են, որ հարձակվողները չորսն են եղել։
Գնացքների տեղաշարժը ժամանակավորապես դադարեցվել է ոստիկանության և անվտանգության ուժերի աշխատանքի համար։ Ոստիկանությունը զգուշացրել է նյույորքցիներին՝ զերծ մնալ միջադեպի վայր մեկնելուց:
Տաթև Ֆռանգյան
