«Ռուսական ախորժակն» ու Հայաստանի դպրոցները․ ի՞նչ ակնկալել Լավրովի հերթական հայտարարությունից. ՏԵՍԱՆՅՈՒԹ

Լուրեր

18.11.2026 | 11:44
Բայրամովը Գերմանիայի ԱԳ նախարարի հետ Երևանի ու Բաքվի միջև խաղաղության գործընթացն է քննարկել
18.11.2026 | 11:43
Նարեկ Կարապետյանի ճեպազրույցը՝ ՈՒՂԻՂ
18.11.2026 | 11:38
Կոտրել են Հեռուստատեսության և ռադիոյի հանձնաժողովի ֆեյսբուքյան էջը․ ՀՌՀ-ի անունից մեկնաբանություններ են հրապարակվել
18.11.2026 | 11:31
Ուկրաինան Կրասնոդարի երկրամասում երկու նավթավերամշակման գործարանների է հարվածել․ տուժածներ կան
18.11.2026 | 11:22
ՀՀ ՔԿ նախագահն Իրանի արդարադատության նախարարի հետ քննարկել է քրեական գործերով իրավական օգնության արդյունավետության բարձրացումը
18.11.2026 | 11:12
Total Chess. Հայկ Մարտիրոսյանն առաջին օրը հաղթել է Ռիխարդ Ռապորտին
18.11.2026 | 11:04
Պուտինը հանդիպել է Սի Ցզինպինի հետ՝ ՌԴ-ի, ԱՄՆ-ի և Չինաստանի ղեկավարների եռակողմ գագաթնաժողովից առաջ
18.11.2026 | 10:56
Ազգերի լիգայում հայտնի են քառորդ եզրափակիչի բոլոր մասնակիցները
18.11.2026 | 10:47
Ուսուցիչների համար գործարկվել է արհեստական բանականության 65 գործիք ներկայացնող հայալեզու պորտալ
18.11.2026 | 10:39
Ընդդիմադիրները Փաշինյանի մասնակցությամբ նիստին արդեն 2 ընդմիջում են վերցրել
18.11.2026 | 10:30
Սլովակիայում բողոքի ցույցեր են անցկացվել վարչապետ Ռոբերտ Ֆիցոյի և Կրեմլի հետ նրա կապերի դեմ
18.11.2026 | 10:22
ՄԻՊ-ն ընդգծել է երեխաներին առնչվող գործերը լուսաբանելիս անձնական տվյալների պաշտպանության և «Մի՛ վնասիր» սկզբունքի պահպանման կարևորությունը
18.11.2026 | 10:08
Արգենտինայի հավաքականը հաղթել է 7:0 հաշվով. ՏԵՍԱՆՅՈՒԹ
18.11.2026 | 10:00
Նիկոլ Փաշինյանն ԱԺ-ում մասնակցում է 2027թ. բյուջեի նախագծի քննարկմանը. ՈՒՂԻՂ
18.11.2026 | 09:55
ՀՖՖ-ն աջակցում է ՖԻՖԱ-ի նախագահի եվրոպական թեկնածուին
Բոլորը

Ռուսաստանն օգնում է ավելացնել ռուսական դպրոցների թիվը Հայաստանում․ նման հայտարարությամբ էր հանդես եկել Ռուսաստանի արտգործնախարար Սերգեյ Լավրովը Մոսկվայում Հայաստանի արտգործնախարար Արարատ Միրզոյանի հետ հանդիպումից հետո։

«Մենք, ի պատասխան Երևանի ցանկության, նպաստում ենք հանրապետությունում ռուսական դպրոցների թվի ավելացմանը, շահագրգռված ենք, որպեսզի ռուսերենը շարունակի աջակցություն ստանալ մեր բարեկամների կառավարության կողմից։ Պայմանավորվել ենք խորացնել ակադեմիական և ուսանողական փոխանակումը, քննարկել ենք Ռուս-հայկական 8-րդ երիտասարդական ֆորումի կազմակերպչական աշխատանքների ընթացքը»,- ասել է Լավրովը։

Այս հայտարարությունը նշանակո՞ւմ է, արդյոք, որ հայկական կողմը Ռուսաստանին տվել է որոշակի երաշխիքներ առ այն, որ հանրապետությունում ռուսական դպրոցների թիվը կավելանա։

ԿԳՄՍ նախարարությունը հաղորդագրություն է տարածել՝ ընդգծելով, որ Հայաստանում ռուսալեզու գործարար միջավայրի և ներդրումների ակտիվացման ֆոնին ակտիվացել է նաև ռուսալեզու քաղաքացիների ներհոսքը դեպի Հայաստան։

«Վերջիններիս առանձնահատուկ հետաքրքրում են Հայաստանում երեխաների ռուսալեզու կրթության հնարավորությունները: Հայաստանում կրթական և գործարար համապատասխան միջավայր ապահովելու նպատակով, ինչպես նաև վերլուծելով առկա իրավիճակը՝ առաջարկել ենք Հայաստանի դպրոցներում, այդ թվում՝ ավագ մակարդակում, ընդլայնել ռուսերենով կրթություն իրականացնող դասարանների թիվն ըստ պահանջի: Այդ դասարանները նախատեսված են հիմնավորապես Ռուսաստանի Դաշնության, ինչպես նաև օտարերկրյա այլ քաղաքացիների համար»,- ասված է հաղորդագրության մեջ։

Ռուսական կողմը երբեք էլ չի թաքցրել նախկին խորհրդային տարածքում իր հավակնությունները, որոնք դրսևորվել են նաև ռուսական դպրոցների թվի ավելացման ձգտումով։

Դեռևս 12 տարի առաջ մեծ աղմուկ բարձրացավ «Հանրակրթության մասին» և «Լեզվի մասին» ՀՀ օրենքներում օտարալեզու դպրոցներ բացելու արգելքը վերացնող կառավարության օրենսդրական նախաձեռնության շուրջ։ Ազգային ժողովում օրենսդրական փաթեթը 2010-ի վերջին ընդունվեց: Ու թեև իշխանությունը հավաստիացնում էր, որ ընդամենը մի քանի նոր մասնավոր դպրոցների մասին կարող է խոսք լինել, դեռ այն ժամանակ էլ պարզ էր, որ ռուսական կողմի ակնկալիքները երկարաժամկետ կտրվածքով ավելին են: 2014-ին, օրինակ, «Ռոսիա սեգոդնյա» գործակալության տնօրեն Դմիտրի Կիսելյովը հայտարարել էր, թե ռուսական դպրոցների սակավությունը Հայաստանում, իբր, խոչընդոտ է Ռուսաստանի համար՝ կատարելու դաշնակցին պաշտպանելու իր պարտավորությունը:

«Դեմ ենք օտարալեզու դպրոցների բացմանը» նախաձեռնությունը տարիներ շարունակ բողոքի ձայն է բարձրացրել Հայաստանում ռուսական դպրոցների բացման դեմ։ Հիմա նախաձեռնության մասնակիցներից ոմանք կառավարության պաշտոնյաներ են ու պատգամավորներ։

«Մեզ պետք չեն ռուսական դպրոցներ։ Ռուսաստանը հիմա ոչ մի բանի առջև կանգ չի առնում, միայն թե փոխի մեր դպրոցների ներքին բովանդակությունը։ Իրենք տալիս են գումար, որպեսզի իրենց ուզած բովանդակությունը թելադրեն»,- նշում է նախաձեռնության անդամ Գևորգ Գիլանցը։

Ինչ վերաբերում է Սերգեյ Լավրովին, նա մեկ անգամ չէ, որ խոսում է Հայաստանում ռուսերենի ուսուցման թեմայով։ Նախորդ տարվա հոկտեմբերին էլ նա հայտարարել էր, թե Հայաստանը հետաքրքրություն է ցուցաբերում ռուսերենի դիրքերի ամրապնդման նախաձեռնության նկատմամբ։ Հայաստանում մշակույթի գործիչներից շատերը սա մտահոգիչ են համարում։

Մանրամասները՝ տեսանյութում։

Աննա Բաբաջանյան