29.07.2026 | 00:56
«Արարատ-Արմենիան» դուրս եկավ Չեմպիոնների լիգայի որակավորման երրորդ փուլ. ՏԵՍԱՆՅՈՒԹ
Պետք է պատրաստ լինել ցանկացած սցենարի. Ուկրաինայի ՊՆ
Քաղաքականություն
12.04.2022 | 17:37
Ռուսական բանակն այսօր կռվում է՝ կենտրոնանալով մարտական իրավիճակի վրա։ ՌԴ հրամանատարությունը ռազմավարություն չունի, պլանավորումն իրավիճակային է։ ՌԴ հետաքրքրությունը Ուկրաինայի արևելքն ու հարավն են։ Այս մասին հայտարարել է Ուկրաինայի պաշտպանության փոխնախարար Աննա Մալյարը, փոխանցում է Korrespondent-ը։
Նա նշել է, որ թեև ռազմական գործողությունների տարածքը փոքրացել է, սակայն մարտերի ինտենսիվությունը չի նվազում։ Իրավիճակն օկուպացված տարածքներում բարդ է. ՌԴ-ն զորքը դուրս է բերել հյուսիսային շրջաններից՝ վերախմբավորվելու, հանգստանալու և ամրապնդվելու նպատակով։
«Այսօր միջոցներ են փնտրում կադրեր հավաքելու համար, սրա հետ կապված խնդիրներ ունեն, չնայած միշտ ասել են, որ միլիոնանոց անձնակազմ ունեն։ Այդտեղից հարված կհասցվի, թե՝ ոչ, միանշանակ անհնար է ասել»,- նշել է Մալյարը։
Նրա խոսքով՝ Կա ընդհանուր ռազմական հայեցակարգ, բայց ռուսական զորքերի որոշ գործողություններ և Պուտինի ընդունած որոշումները դուրս են գալիս ռազմական տրամաբանությունից։
«Դրանք երբեմն զգացմունքային են, հաճախ՝ ոչ ռացիոնալ։ Հետևաբար, այստեղ միանշանակ որևէ բան կանխատեսել հնարավոր չէ։ Մենք պետք է պատրաստ լինենք ցանկացած սցենարի։ Ուկրաինայի համար սարսափելի սցենարների վտանգ կա»,- ասել է ուկրաինացի պաշտոնյան՝ հավելելով, որ կա նաև թշնամու կողմից քիմիական զենք կիրառելու վտանգ։
Տաթև Ֆռանգյան
