26.11.2024 | 18:24
Հայաստանի խնդրանքով ԵՏՄ գագաթնաժողովը կանցկացվի Սանկտ Պետերբուրգում․ Ուշակով
Ուկրաինայում պատերազմի երկրորդ՝ «ավելի արյունալի փուլն անխուսափելի է». ՆԱՏՕ
Քաղաքականություն
12.04.2022 | 16:36
ՆԱՏՕ-ի ղեկավարությունն օգնում է Ուկրաինային նախապատրաստվել ռազմական գործողությունների նոր՝ ավելի լայնածավալ փուլին: Այս մասին Digi24-ին տված մեկնաբանությունում ասել է դաշինքի գլխավոր քարտուղարի տեղակալ Միրչա Ջեոանեն, գրում է korrespondent-ը։
«Ամեն ինչ վկայում է այն մասին, որ մեզ սպասվում է պատերազմի երկրորդ՝ ավելի արյունալի փուլ։ Մենք թևակոխում ենք ավելի բարդ, իր բնույթով առաջինից տարբերվող փուլ, շատ ավելի լայն տարածքում՝ և՛ արևելքում՝ Դոնբասում, և՛ հարավում՝ դեպի Ղրիմ և Մարիուպոլ»,- ասել է Ջոանեն՝ պատերազմի երկրորդ փուլն «անխուսափելի» անվանելով։
Նրա խոսքով՝ Դաշինքը տվյալներ ունի ռուսական ուժերի վերախմբավորման և պատերազմի առաջին փուլում նրանց կրած հսկայական կորուստների համալրման վերաբերյալ։
Ջեոանեն վստահեցրել է, որ ՆԱՏՕ-ի երկրներն Ուկրաինային մատակարարում են մեծ քանակությամբ զրահատեխնիկա, ռազմական տեխնիկա և սպառազինություն, որոնք կարող են խոցել թիրախները մեծ հեռավորության վրա։
«Պատերազմի այս երկրորդ մասը տարբերվելու է որակով, ինտենսիվությամբ և հետևողականությամբ, ուստի բնական է, որ մենք օգնում ենք Ուկրաինային պատերազմի այս փուլում»,- ասել է ՆԱՏՕ-ի պաշտոնյան։
Տաթև Ֆռանգյան
