20.08.2026 | 23:01
«Նոան» նոր գլխավոր մարզիչ ունի
Մարիուպոլի քաղաքապետը հայտնել է, որ քաղաքի պաշարումն ավելի քան 10,000 խաղաղ բնակչի կյանք է խլել. AP
Քաղաքականություն
12.04.2022 | 15:46
Ուկրաինական Մարիուպոլի քաղաքապետ Վադիմ Բոյչենկոն հայտնել է, որ ավելի քան 10,000 մարդ է զոհվել քաղաքում ռուսական պաշարման հետևանքով, և որ զոհերի թիվը կարող է գերազանցել 20,000-ը, քանի որ շաբաթներով շարունակվում են հարձակումները։
Associated Press-ի հետ զրույցում Բոյչենկոն նաև ռուսական ուժերին մեղադրել է դեպի քաղաք հումանիտար միջանցքներն արգելափակելու համար, որոնք, ըստ նրա, այդպիսով փորձում են արտաքին աշխարհից թաքցնել Մարիուպոլում տեղի ունեցածը։
Նա նաև պատմել է, որ ռուսական ուժերը բազմաթիվ դիակներ են տեղափոխել հսկայական առևտրի կենտրոն, որտեղ պահեստներ և սառնարաններ կան, և որ քաղաքում բեռնատարների տեսքով շարժական դիակիզարաններ կան։
Քաղաքապետի խոսքով՝ Մարիուպոլում մոտ 120,000 բնակիչ սննդի, ջրի, ջեռուցման և հաղորդակցման խիստ անհրաժեշտություն ունի։ Բոյչենկոն ասել է, որ միայն այն բնակիչները, որոնք անցել են ռուսական «ֆիլտրացիոն ճամբարներով», կարողացել են դուրս գալ քաղաքից։
Էմմա Չոբանյան
