16.09.2026 | 18:34
Հայաստանի Մ-17 հավաքականը պարտվել է Լիբանանին
Գերմանիայում աննախադեպ գնաճ է․ վերջին անգամ նման իրավիճակ 1981 թվականին է եղել
Քաղաքականություն
12.04.2022 | 21:13
Գերմանիայում վերամիավորումից ի վեր գնաճը հասել է ամենաբարձր ցուցանիշին․ մարտին սպառողական գների աճը տարեկան կտրվածքով կազմել է 7,3 տոկոսով՝ փետրվարի 5,1 տոկոսից հետո: Այս մասին հայտնել է Գերմանիայի Դաշնային վիճակագրական ծառայությունը:
Նման մեծ թռիչքի հիմնական պատճառներից մեկն էներգակիրների գների բարձրացումն է․ տարեկան կտրվածքով դրանք թանկացել են 39,5 տոկոսով, գրում է DW-ի ռուսական ծառայությունը։
Նախկին Արևմտյան Գերմանիայի տարածքում գնաճի նման բարձր մակարդակ վերջին անգամ գրանցվել է 1981 թվականի աշնանը՝ Պարսից ծոցի տարածաշրջանում առաջին պատերազմի հետևանքով էներգակիրների արժեքի զգալի թանկացման պատճառով: Այժմ մազութի, դիզվառելիքի, բնական գազի և որոշ պարենային ապրանքների գները կտրուկ աճում են Ուկրաինայում Ռուսաստանի ռազմական գործողությունների ֆոնին:
Գերմանիայում վերջին շրջանում մազութի գներն աճել են ավելի քան երկու անգամ, վառելիքի գները՝ 47,4 տոկոսով, բնական գազինը՝ 41,8 տոկոսով, էլեկտրաէներգիայինը՝ 17,7 տոկոսով։ Առանց էներգակիրների գների աճի Գերմանիայում գնաճը կկազմեր 3,6 տոկոս, նշել է վիճակագրական ծառայությունը։
Տաթև Ֆռանգյան
