20.08.2026 | 23:01
«Նոան» նոր գլխավոր մարզիչ ունի
Ուկրաինան առաջարկել է ՌԴ-ի դեմ կիրառել պատժամիջոցների «իրանական մոդելը»
Քաղաքականություն
12.04.2022 | 15:09
Ուկրաինան միջազգային գործընկերներին առաջարկում է ռուսական Գազպրոմի դեմ պատժամիջոցների «իրանական մոդելը» կիրառել։ Այս մասին «Ուկրինֆորմ»-ին տված մեկնաբանությունում հայտնել է Ուկրաինայի էներգետիկայի փոխնախարար Յարոսլավ Դեմչենկովը։
«Ինչ վերաբերում է Ռուսաստանից մատակարարվող բնական գազին, ապա այն փոխարինելն ամենադժվարն է։ Այն կազմում է ԵՄ-ի ներմուծումների 40%-ը։ Մենք առաջարկում ենք պատժամիջոցների «իրանական մոդելը»․ բնական գազը Գազպրոմից Եվրոպա է հասցվում, սակայն բոլոր միջոցները պահվում են եվրոպական բանկերի հատուկ դեպոզիտային հաշիվների վրա, քանի դեռ ՌԴ-ն չի կատարի որոշակի պայմաններ»,- պարզաբանել է փոխնախարարը։
Դեմչենկովի խոսքով՝ այսպիսով գումարները չեն գնա անմիջապես ՌԴ և չեն ֆինանսավորի Կրեմլի պատերազմն ընդդեմ Ուկրաինայի։
Նա նաև նշել է, որ ԵՄ-ում, մասնավորապես՝ Գերմանիայում, «շատ երկար տարիներ է, ինչ ամրապնդվել է այն առասպելը, որ Եվրոպան կմեռնի առանց ռուսական էներգառեսուրսների»։ Սակայն իրականում իրավիճակը հակառակն է՝ «ռուսական էներգետիկ արդյունաբերությունն է, որ կմահանա առանց Եվրոպայի»։
«Եթե Պուտինը որոշի բլեֆ անել և դադարեցնել գազի մատակարարումը Եվրոպա, նա պարզապես կոչնչացնի իր գազային ենթակառուցվածքը»,- ասել է Դեմչենկովը։
Տաթև Ֆռանգյան
