08.06.2026 | 16:44
Փաշինյանը հաղթեց․ տարածաշրջանի ապագան դեռ գրվելու փուլում է․ Դոնալդ Տուսկ
ԱՄՆ-ը և Մեծ Բրիտանիան քննարկել են Հարավային Կովկասում խաղաղությանն աջակցելու ջանքերը
Քաղաքականություն
12.04.2022 | 12:57
ԱՄՆ-ը և Մեծ Բրիտանիան քննարկել են Հարավային Կովկասում տիրող իրավիճակը։ ԱՄՆ Պետքարտուղարությունը տարածած հաղորդագրությամբ, մասնավորապես, հայտնում է, որ նախօրեին Վաշինգտոնում հանդիպել են ԱՄՆ պետքարտուղարի տեղակալ Վենդի Շերմանն ու Մեծ Բրիտանիայի Եվրոպայի և Հյուսիսային Ամերիկայի հարցերով պետնախարար Ջեյմս Քլևերլին։
Նշվում է, որ նրանք քննարկել են «ԱՄՆ-Մեծ Բրիտանիա սերտ համագործակցությունը Կրեմլին պատասխանատվության ենթարկելու համար՝ Ուկրաինայի դեմ Պուտինի չհրահրված և չարդարացված պատերազմի և իր դաժան վայրագությունների պատճառով»։
Հարավային Կովկասը նույնպես քննարկման առանցքում է եղել։
«Պետքարտուղարի տեղակալը և նախարար Քլևերլին քննարկել են նաև երկկողմ համագործակցությունը՝ աջակցելու Հարավային Կովկասում խաղաղության և հաշտեցման ջանքերին»,- ասվում է հաղորդագրության մեջ։
Էմմա Չոբանյան
