17.01.2026 | 20:00
ՔՆՆԱՐԿՈՒՄ․ ՀՀ-ն ինչպե՞ս է կատարել ԵՄ-ի հետ CEPA համաձայնագիրը․ մշտադիտարկման արդյունքներ
Բլինքենը վերահաստատել է ԱՄՆ-ի հանձնառությունը՝ ընդլայնել Ուկրաինային տրվող աջակցությունը
Քաղաքականություն
12.04.2022 | 14:37
ԱՄՆ պետքարտուղար Էնթոնի Բլինքենը վերահաստատել է Միացյալ Նահանգների վճռականությունը՝ ընդլայնել Ուկրաինային տրվող աջակցությունը ՌԴ-ի կողմից ագրեսիայի ֆոնին և կոչ է արել այլ երկրներին ևս հետևել ԱՄՆ-ի օրինակին, գրում է VOA-ն։
Բլինքենը ելույթ է ունեցել ԱՄՆ-ի և Հնդկաստանի պաշտպանական ու արտաքին գերատեսչությունների միջև բանակցությունների արդյունքներով։ Ամերիկյան դիվանագիտության ղեկավարը Ռուսաստանի զինված ներխուժումն Ուկրաինա անվանել է «հարձակում կանոնների վրա հիմնված կարգի վրա»։
«Միացյալ Նահանգները կշարունակի մեծացնել աջակցությունն Ուկրաինայի կառավարությանն ու ժողովրդին և կոչ է անում մյուս երկրներին՝ անել նույնը։ Ռուսական ագրեսիան կտրուկ հակադրվում է ազատ և բաց հնդկախաղաղօվկիանոսյան տարածաշրջանի տեսլականին, որը կիսում են Միացյալ Նահանգները և Հնդկաստանը։ Ռուսաստանի գործողությունները մեծ ազդեցություն են ունենում ոչ միայն Եվրոպայի և Ուկրաինայի, այլ ամբողջ աշխարհի վրա, օրինակ՝ դրանք պարենային անապահովության և գների բարձրացման պատճառ են դառնում»,- ասել է պետքարտուղարը:
Մասնավորապես, նրա խոսքով, մարտերը ներկայում խոչընդոտում են Ուկրաինայից հացահատիկի մատակարարմանը։
Տաթև Ֆռանգյան
