18.05.2026 | 23:42
«Անկախ դիտորդ»-ը պահանջում է ազատ արձակել Արթուր Օսիպյանին և պարզաբանում տալ նրա ձերբակալության հիմքերի վերաբերյալ
Շնորհակալություն, որ խոսեցիք Արցախի հայության ողբերգական վիճակի մասին․ Վալերի Բուայե
Քաղաքականություն
12.04.2022 | 12:41
Ֆրանսիայի Սենատի պատգամավոր Վալերի Բուայեն թվիթերի իր միկրոբլոգում գրառում է կատարել՝ շնորհակալություն հայտնելով հանրահայտ Journal de Montréal, Figaro, LCN, Qub, CNEWS, Europe 1 ամսագրերի ճանաչված հեղինակ ու սյունակագիր Մաթյու Բոք Կոտեին՝ Ֆրանսիայում մեծ ճանաչում ունեցող հաղորդաշարի հեղինակ Ժան-Քրիստոֆ Բյուսոնի հետ եթերում Հայաստանի, Արցախի ու հայերի մասին խոսելու համար։
«Շնորհակալություն թանկագին Մաթյու Բոք Կոտե, որ Ժան-Քրիստոֆ Բյուսոնի հետ զրույցում խոսեցիք Արցախի հայության ողբերգական վիճակի մասին, որոնք լքված են ողջ միջազգային հանրության կողմից և դեռևս ենթարկվում են Թուրքիայի կողմից աջակցվող Ադրբեջանի ագրեսիային»,- գրել է Բուայեն։
Հիշեցնենք, որ 2011 թվականի դեկտեմբերի 22-ին Ֆրանսիայի Ազգային ժողովը Վալերի Բուայեի առաջարկությամբ ընդունեց Հայոց ցեղասպանությունը քրեականացնող օրինագիծը։ Օրինագիծը հետագայում ընդունվեց նաև Ֆրանսիայի Սենատում։
