06.11.2024 | 23:22
Ժոզեպ Բորելը շնորհավորել է Դոնալդ Թրամփին և հայտարարել ուժեղ Եվրոպա ստեղծելու մասին
Ֆրանսիան արտաքսել է 6 ռուս դիվանագետի
Քաղաքականություն
12.04.2022 | 14:08
Ֆրանսիան պերսոնա նոն գրատա է հայտարարել ևս 6 ռուս դիվանագետի։ Այս մասին ասվում է երկրի ԱԳ նախարարության մամուլի ծառայության տարածած հաղորդագրությունում, գրում է VOA-ն։
«Երկարատև հետաքննությունից հետո Ներքին անվտանգության գլխավոր վարչությունը (DGSI) ապրիլի 10-ին զեկուցել է Ֆրանսիայում ռուսական հետախուզական ծառայությունների կողմից իրականացված գաղտնի գործողության մասին։ Ռուս վեց գործակալներ, որոնք աշխատել են դիվանագիտական քողի ներքո և իրականացրել ազգային անվտանգության շահերին հակասող գործողություններ, պերսոնա նոն գրատա են հայտարարվել»,- ասվում է փաստաթղթում։
Հայտարարության համաձայն՝ արտաքսման մասին զեկուցվել է ՌԴ դեսպանատան նախարար-խորհրդատուին, որը երկուշաբթի երեկոյան հրավիրվել է Ֆրանսիայի ԱԳՆ։
ՌԴ ԱԳՆ պաշտոնական ներկայացուցիչ Մարիա Զախարովան արձագանքել է՝ նշելով, որ «Ռուսաստանը համարժեք պատասխան կտա», սակայն մանրամասներ չի հայտնել։
Հիշեցնենք՝ փետրվարի 24-ին ՌԴ-ի կողմից Ուկրաինայում ռազմական գործողությունների մեկնարկից հետո բազմաթիվ եվրոպական երկրների արտաքսել են ՌԴ դիվանագիտական ներկայացուցչությունների աշխատակիցների։
Տաթև Ֆռանգյան
