27.03.2026 | 23:30
Պորտուգալիայում քահանաների կողմից սեռական բռնության զոհերին ավելի քան 1,6 միլիոն եվրո փոխհատուցում է հատկացվել
Շրի Լանկան դադարեցնում է երկրի արտաքին պարտավորությունների գծով վճարումները
Քաղաքականություն
12.04.2022 | 17:59
Շրի Լանկայի Ֆինանսների նախարարությունը հայտարարել է երկրի բոլոր արտաքին պարտավորությունների գծով վճարումների դադարեցման մասին։ Այս մասին ասված է գերատեսչության հրապարակված հրամանագրում, փոխանցում է ՏԱՍՍ-ը։
«Նախարարության քաղաքականությունը կդառնա որոշ ժամանակով բոլոր արտաքին պարտքերի սառեցումը՝ պատշաճ կերպով վերակառուցելու այդ պարտավորություններն Արժույթի միջազգային հիմնադրամի (ԱՄՀ) կողմից աջակցվող տնտեսական վերափոխման օրակարգին համապատասխան»,- ասվում է փաստաթղթում։
Նշվում է, որ դեֆոլտ է հայտարարվել «միջազգային շուկաներում թողարկված բոլոր պարտատոմսերի, բոլոր երկկողմանի վարկային պարտավորությունների գծով, բացառությամբ՝ Շրի Լանկայի Կենտրոնական բանկի և այլ երկրների միջև սվոփի» պայմանագրերի։ Նաև դադարեցվել են վճարումներն առևտրային բանկերի կամ այլ վարկային կազմակերպությունների հետ արտարժույթով արտահայտված վարկային պայմանագրերով։
Ֆինանսների նախարարությունը նշում է, որ «այդ միջոցառումներն արտակարգ են և վերջին միջոցը՝ կանխելու երկրի ֆինանսական վիճակի հետագա վատթարացումը»։
Տաթև Ֆռանգյան
