19.05.2026 | 12:15
ՀՀ և Լիտվայի ԱԳ նախարարներ Արարատ Միրզոյանի և Կեստուտիս Բուդրիսի համատեղ ասուլիսը. ՈՒՂԻՂ
Ուկրաինան հայտարարել է Մարիուպոլում քիմիական զենքի կիրառման մասին․ Մեծ Բրիտանիան հետաքննում է
Քաղաքականություն
12.04.2022 | 12:54
Լուրեր
19.05.2026 | 11:31
Հրապարակվել է Սոնա Մնացականյանի վրաերթի գործով Վերաքննիչ դատարանի որոշումը. ՈՒՂԻՂ
19.05.2026 | 11:30
Ռուսական զորքերը հարվածել են Ուկրաինայի մի քանի շրջանների. զոհեր և վիրավորներ կան
Ուկրաինայի ռազմավարական հաղորդակցության ռազմական վարչությունը հայտնել է, որ ռուսական զորքերը Մարիուպոլում քիմիական զենք են կիրառել ուկրաինացի զինվորականների և քաղաքացիական անձանց դեմ։ BBC-ի ռուսական ծառայությունը հայտնում է, որ վարչության ղեկավարությունը մանրամասներ չի հայտնում, այս տեղեկատվության հաստատումը դեռևս չկա։
Նախօրեին ինքնահռչակ Դոնեցկի և Լուգանսկի հանրապետությունների «Ժողովրդական ոստիկանության վարչության» ղեկավարի տեղակալը ռուսական հեռուստատեսությամբ խոսել էր Մարիուպոլի ուկրաինացի պաշտպանների դեմ «քիմիական զորքերն» օգտագործելու հնարավորության մասին։
Քիմիական զենքի կիրառման մասին Կիևի հայտարարությունից հետո Մեծ Բրիտանիայի արտաքին գործերի նախարար Լիզ Թրասը թվիթերյան իր միկրոբլոգում գրել է, որ այդ հաղորդումները «շտապ հետաքննվում են»։
Ավելի վաղ Վաշինգտոնում Պենտագոնի ներկայացուցիչը հայտնել էր, որ իրենք դեռևս չունեն այս տեղեկատվության հաստատում, սակայն համակ ուշադրությամբ հետևում են իրավիճակին։
Ուկրաինայի նախագահ Վլադիմիր Զելենսկին էլ գիշերային ելույթում կոչ է արել Արևմուտքին՝ անել հնարավորը, որպեսզի Ռուսաստանը չօգտագործի քիմիական զենք, սակայն նա չի ասել, որ այդ զենքն արդեն օգտագործվել է։
Տաթև Ֆռանգյան
