28.03.2026 | 11:17
Փաշինյանը ավտոերթով մեկնելու է Գյումրի
Թուրքիայի քաղաքացիները փորձում են հաղթահարել աճող աղքատությունը՝ նվազեցնելով սննդի ծախսերը և սոված մնալով
Քաղաքականություն
11.04.2022 | 22:14
Թուրքերի ցնցող մեծամասնությունը փորձում է դիմակայել սննդի աճող գներին՝ նվազեցնելով սննդամթերքի համար նախատեսված ծախսերը և սոված մնալով, գրում է Duvar-ը։
MetroPoll Research Company-ն հետազոտության ընթացքում քաղաքացիներին հարցրել է, թե ի՞նչ են անում՝ վատթարացող տնտեսական պայմաններում «յոլա գնալու» համար: Հարցման մասնակիցների 50,3 տոկոսն ասել է, որ կրճատել է սննդի ծախսերը, 31,9 տոկոսը խոստովանել է՝ «երբեմն սոված է մնում», իսկ 61,8 տոկոսն ասել է, որ դադարել է միս ուտել: Հարցման արդյունքները սոցցանցերի իր էջերում հրապարակել է կազմակերպության ղեկավար Օզեր Սենջարը։
Բացի այդ, հետազոտության մասնակիցների 53,7 տոկոսն ասել է, որ տաք հագուստ է հագնում, որպեսզի չջեռուցի բնակարանը, իսկ 57,9 տոկոսը նշել է, որ ավելի քիչ է հագուստ լվանում։ Վարորդների 62,5 տոկոսն ասել է, որ դադարել է օգտագործել մեքենան, քանի որ վառելիքի գները նույնպես բարձրացել են:
Հավելենք, որ անցյալ տարի թուրքական լիրայի 40 տոկոսից ավելի արժեզրկման հետևանքով Թուրքիայում տնտեսական ճգնաժամն ավելի խորացել է, գնաճն էլ երկրում հասել է վերջին 20 տարվա առավելագույնին։
Էմմա Չոբանյան
