09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Սլովակիան հերքում է Ուկրաինա ուղարկված C-300-ի ոչնչացումը
Քաղաքականություն
11.04.2022 | 20:55
Սլովակիայի կառավարությունը կտրականապես հերքում է Ռուսաստանի պնդումները, թե Ուկրաինային վերջերս մատակարարված C-300 հակաօդային պաշտպանության համակարգը ոչնչացվել է, գրում է BBC-ն։
Վարչապետ Էդուարդ Հեգերը Թվիթերում գրառմամբ այդ պնդումը որակել է որպես կեղծիք՝ հավելելով, որ Ուկրաինան հաստատել է դա։
Նախօրեին էլ Սլովակիայի պաշտպանության նախարար Յարոսլավ Նադը հեռուստատեսային քննարկման ժամանակ ասել է, որ բանակցում են Ուկրաինային սլովակյան արտադրության Zuzana ինքնագնաց հաուբիցներ վաճառելու շուրջ։
Նա նաև հաստատել է տեղեկությունները, որ երկու երկրները քննարկում են խոցված ուկրաինական տանկերն ու հետևակի մարտական մեքենաները Սլովակիայում վերանորոգելու հնարավորությունը։
Էմմա Չոբանյան
