16.09.2026 | 20:30
ՌԴ-ն նոր պատժամիջոցներ կկիրառի՝ հենց ՀՀ-ն որոշի ռազմաբազան հեռացնել․ Դավիթ Կարապետյան․ ՏԵՍԱՆՅՈՒԹ
ԱՄՆ-ը ցանկանում է տեսնել անկախ Ուկրաինա, թուլացած ու մեկուսացած Ռուսաստան․ Ջեյք Սալիվան
Քաղաքականություն
11.04.2022 | 15:22
Սպիտակ տան ազգային անվտանգության հարցերով խորհրդական Ջեյք Սալիվանը հայտարարել է, որ ԱՄՆ-ը ցանկանում է տեսնել «անկախ Ուկրաինա» և «թուլացած ու մեկուսացած Ռուսաստան», գրում է The Hill-ը։
«Մեր քաղաքականությունը միանշանակ է, որ մենք կանենք ամեն ինչ՝ օգնելու Ուկրաինային հաջողության հասնել: Եվ դա կլինի։ Նախագահ Զելենսկին և ժողովրդավարական ճանապարհով ընտրված Ուկրաինայի կառավարությունը կորոշեն, թե ինչումն է այդ հաջողությունը։ Սակայն, ի վերջո, մենք ցանկանում ենք տեսնել անկախ Ուկրաինա, թույլ ու մեկուսացած Ռուսաստան և ավելի ուժեղ, ավելի միասնական ու վճռական Արևմուտք։ Մենք հավատում ենք, որ այս երեքն էլ կարող են իրագործվել»,- ասել է Սալիվանը NBC-ի «Meet the Press» հաղորդման ժամանակ։
Ուկրաինան վերջերս որոշակի առաջընթաց ունի Ռուսաստանի դեմ պատերազմում։ Ինչպես ուկրաինացի, այնպես էլ ԱՄՆ պաշտոնյաներն ասում են, որ Կիևի ճակատամարտը հիմնականում շահել են նրա պաշտպանները։
Սակայն Սալիվանը զգուշացրել է Ուկրաինայի համար նոր դժվարությունների մասին՝ նշելով, որ նոր նշանակված ռուս գեներալը, որը հայտնի է Սիրիայում իր դաժանություններով, ղեկավարելու է ներխուժումը։
«Մենք արդեն տեսել ենք ռազմական հանցագործություններ ու վայրագություններ, զանգվածային սպանություններ, սարսափելի լուսանկարներ Բուչայից և Կրամատորսկի հրթիռային հարձակումից»,- ասել է Ջեյք Սալիվանը։
Էմմա Չոբանյան
