20.08.2026 | 23:01
«Նոան» նոր գլխավոր մարզիչ ունի
ԵՄ-ն քննարկում է ՌԴ-ի դեմ պատժամիջոցների 6-րդ փաթեթը․ Դանիայի ԱԳ նախարար
Քաղաքականություն
11.04.2022 | 14:45
Եվրամիությունն «արդեն քննարկում է պատժամիջոցների 6-րդ փաթեթը՝ Ռուսաստանի վրա ճնշումը մեծացնելու համար՝ դադարեցնելու Ուկրաինայում պատերազմը»։ Այս մասին հայտարարել է Դանիայի ԱԳ նախարար Յեպպե Քոֆոդը, գրում է CNN-ը։
«Դանիական կողմից մենք պատրաստ կլինենք հնարավորինս հեռուն գնալ պատժամիջոցների, այդ թվում՝ էներգետիկայի շուրջ կոնսենսուս գտնելու հարցում», – ասել է նա Լյուքսեմբուրգում ԵՄ ԱԳ նախարարների հանդիպմանը ժամանելիս լրագրողների հետ զրույցում։
Լիտվայի ԱԳ նախարար Գաբրիելիուս Լանդբերգիսն էլ ասել է, որ «ուրախ է տեսնել, որ Եվրահանձնաժողովը շատ հստակ սկսում է աշխատել 6-րդ փաթեթի վրա նավթային տարբերակներով»։
Հարցին՝ ուրիշ ի՞նչ է պետք ԵՄ-ից, Լանդսբերգիսն ասել է, որ «ավելի լավ է գնալ Կիև, Իրպեն, Բուչա և տեսնել, թե ինչու պետք է պատժամիջոցներ կիրառել»։
Էմմա Չոբանյան
