20.08.2026 | 23:01
«Նոան» նոր գլխավոր մարզիչ ունի
Թբիլիսին մտադիր չէ «երկրորդ ճակատ» բացել ՌԴ-ի դեմ․ Ղարիբաշվիլի
Քաղաքականություն
11.04.2022 | 13:45
Վրաստանի վարչապետ Իրակլի Ղարիբաշվիլին հայտարարել է, որ երկիրը պետք է շարունակի իր խաղաղ զարգացումը, չնայած Ուկրաինայում տեղի ունեցող ողբերգական իրադարձություններին: Նրա խոսքով՝ Թբիլիսին մտադիր չէ «երկրորդ ճակատ» բացել ուկրաինական հակամարտության պատճառով, գրում է Ինտերֆաքսը։
«Մենք շատ դրական ակնկալիքներ ունենք մեր երկրի զարգացման համար»,- ասել է Ղարիբաշվիլին երկուշաբթի կառավարության նիստում։
Նրա խոսքով՝ չնայած Ուկրաինայում ստեղծված իրավիճակին, «մենք պետք է պահպանենք խաղաղությունը»։ Ղարիբաշվիլին ընդգծել է, որ Վրաստանում «երկրորդ ճակատ» բացելու ոչ մի կոչ չի թույլատրվի կառավարության կողմից։
«Վրաստանում երկրորդ ճակատ չի լինի, մենք դա թույլ չենք տա և կշարունակենք պաշտպանել մեր քաղաքացիներին ու պետությանը»,- ասել է վարչապետը։
Տաթև Ֆռանգյան
