20.08.2026 | 23:01
«Նոան» նոր գլխավոր մարզիչ ունի
Ավելի քան 4,5 միլիոն ուկրաինացի փախստական է դարձել․ ՄԱԿ
Քաղաքականություն
11.04.2022 | 14:12
Ըստ ՄԱԿ-ի փախստականների հարցերով գերագույն հանձնակատարի (UNHCR)՝ փետրվարի 24-ին ՌԴ ռազմական գործողությունների մեկնարկից ի վեր ավելի քան 4,5 միլիոն մարդ լքել է Ուկրաինան, որոնց մեծ մասը հատել է սահմանները դեպի հարևան երկրներ, գրում է CNN-ը:
«Ուկրաինայում հակամարտության սրումը խլել է մարդկային կյանքեր ու ավերել քաղաքացիական ենթակառուցվածքները՝ մարդկանց ստիպելով թողնել իրենց տունն ու անվտանգություն, պաշտպանություն և օգնություն փնտրել»,- ասված է կազմակերպության հայտարարության մեջ։
Ամենամեծ թվով փախստականների ընդունել է Լեհաստանը՝ մոտ 2,6 միլիոն: Ռումինիան, Հունգարիան և Մոլդովան միասին ընդունել են մոտ 2 միլիոն ուկրաինացի փախստականների։
«Արտակարգ իրավիճակի և Ուկրաինայից փախստականների մարդասիրական կարիքների մասշտաբի լույսի ներքո, ի աջակցություն փախստականների ընդունող երկրների ջանքերին, իրականացվում է փախստականներին օգնության համար միջգերատեսչական տարածաշրջանային արձագանքում»,- հավելել է UNHCR-ը։
Տաթև Ֆռանգյան
