04.03.2026 | 20:30
Հարկային տեռո՞ր եք անելու, թե՞ Սամվել Կարապետյանի ունեցվածքն եք դնելու բյուջեում՝ ծախսեք. Արսեն Թորոսյան․ ՏԵՍԱՆՅՈՒԹ
Ուկրաինայում պատերազմը 1793 խաղաղ բնակչի կյանք է խլել
Քաղաքականություն
11.04.2022 | 12:48
Ուկրաինայում պատերազմի սանձազերծումից ի վեր 1793 խաղաղ բնակիչ է զոհվել, ևս 2439-ը՝ վիրավորվել։ Ապրիլի 10-ին այսպիսի տվյալներ է հրապարակել ՄԱԿ-ի Մարդու իրավունքների գերագույն հանձնակատարի գրասենյակը, փոխանցում է Korrespondent-ը ։
«Փաստացի թվերը զգալիորեն բարձր են, քանի որ ինտենսիվ ռազմական գործողությունների հատվածներից տեղեկատվությունը ուշ է ստացվում, իսկ տեղեկությունների մի մասը հաստատման կարիք ունի»,- նշել են կազմակերպությունից։
ՄԱԿ-ի հաստատված տեղեկությունների համաձայն զոհված չափահասներից 458 տղամարդ է, 294-ը՝ կին, 899-ի սեռը դեռևս հաստատված չէ։ Մահացածներից 46-ը տղա երեխա է, 27-ը՝ աղջիկ, ևս 69 երեխայի սեռը առայժմ պարզված չէ։
2439 վիրավորների թվում եղել է 47 աղջիկ և 46 տղա, ինչպես նաև 136 երեխա, որոնց սեռը դեռ պարզված չէ։
Ապրիլի 10-ի դրությամբ Ուկրաինայի իրավապահ մարմինները հաստատել են ռազմական գործողությունների հետևանքով Կիևի շրջանի 1222 բնակչի մահը։
