18.05.2026 | 23:42
«Անկախ դիտորդ»-ը պահանջում է ազատ արձակել Արթուր Օսիպյանին և պարզաբանում տալ նրա ձերբակալության հիմքերի վերաբերյալ
Մակրոնն առաջին փուլում հավաքել է ձայների 28,5%-ը, Լը Պենը՝ 24,2%-ը. exit-poll
Քաղաքականություն
10.04.2022 | 23:01
Ֆրանսիայի գործող նախագահ Էմանուել Մակրոնը գլխավորում է նախագահական ընտրությունների առաջին փուլը՝ հավաքելով 28,5%, «Ազգային միավորում» ծայրահեղ-աջակողմյան կուսակցության ղեկավար Մարին Լը Պենը՝ 24,2%, հայտնում է ֆրանսիական BFM հեռուստաալիքը՝ վկայակոչելով exit-poll-ի տվյալները։
Exit-poll-ի տվյալների համաձայն ՝ Մակրոնին և Լե Պենին հաջորդում է «Անհնազանդ Ֆրանսիա» ձախակողմյան շարժման ներկայացուցիչ Ժան-Լյուկ Մելանշոնը՝ 20,2 տոկոս ձայնով:
Ֆրանսիացիները պետության ղեկավարին ընտրում են 5 տարի ժամկետով։ Այն դեպքում, եթե առաջին փուլում թեկնածուներից ոչ մեկը չհավաքի բացարձակ մեծամասնություն (50% գումարած մեկ ձայն), կանցկացվի երկրորդ փուլը։ Այն նախատեսված է ապրիլի 24-ին։
Առաջին փուլում պետական բարձրագույն պաշտոնի համար պայքարում են 12 քաղաքական գործիչներ։
Հիշեցնենք, որ քվեարկության ավարտից առաջ բելգիական լրատվամիջոցները հրապարակել էին exit-poll-երի տվյալները։ Սովորաբար Բելգիայի այս տվյալները հրապարակում են ավելի շուտ, քանի որ Ֆրանսիայում exit-poll-երի տվյալները կարելի է հրապարակել միայն տեղամասերը փակվելուց հետո։
